Soltústikte maıly jáne burshaq tuqym­das da­qyl­dardyń alqaby 30 paıyzǵa ulǵaıdy

Aımaq basshysy Qumar Aqsaqalov aýdandardy aralaý kezinde egistik alqaptaryn ártaraptandyrýdyń naryqtyq qajettiligin atap kórsetti. Bul baǵyttar boıynsha atqarylǵan aýqymdy sharalar Qazaqstannyń álem boıynsha jasymyq ósirýden besinshi, al ony eksporttaýdan tórtinshi orynnan kórinýine múmkindikter bermek. Onyń bir tonnasynyń ózindik quny 32 myń teńgeni qurasa, satylym baǵasy 180-200 myń teńgege baǵalanady. Jergilikti agroqurylymdar da maıly daqyldardyń paıdasy shash-etekten ekenin túsinip, kólemin kóbeıtýmen birge, ala jaz boıy kútip-baptaý jumystaryn qajetti agro­tehnıkalyq talaptarǵa saı atqara bil­di. Qazirgi kúni egis tanaptary masa­tydaı qulpyryp, masaqtary kere qarys dándi daqyldar kóz jaýyn ala­dy. Jerdi tıimdi paıdalana bilýge mem­leket tarapynan berilgen je­ńil­dikti sýbsıdııalardyń járdemi aı­tar­lyqtaı boldy. Erte pisetin, elı­taly tuqymdar egý kórsetkishteri artty. 

О́tken jylǵa qaraǵanda, aýa raıy­nyń birshama qolaıly bolýy Otan qambasyna mol astyq quıýǵa múm­kindik berip, negizgi maqsat endi jıyn-terimdi uıymshyldyqpen ótki­zip, shashpaı-tókpeı jınap alýǵa baǵyt­talǵan. Ol úshin qajetti 75 myń tonna arzandatylǵan janar-jaǵarmaı­dyń 45 myń tonnadaıy jetkizildi. Jaý­apty naýqanǵa toǵyz myńǵa jýyq kombaınnyń qatysatyny belgi­lense, onyń úshten biri osy zamanǵy qýatty tehnıkalar sanalady. Astyq qabyldaıtyn 50 elevator daıyn.

Búginde óńirde jasymyqqa shalǵy túsip, jaýapty naýqan bastalyp ketti. О́nimdilik jaqsy. Berekeli gektarlar alda ekenin eskersek, eksporttaý mólsheriniń ulǵaıa túseri sóz­siz.                        

О́mir ESQALI,
«Egemen Qazaqstan»
Soltústik Qazaqstan oblysy