Halyqaralyq kún alıansyn qurýdy kózdeıdi

Sharanyń resmı bóliminde Qazaqstandaǵy Úndistan elshisi Harsh Kýmar Djeın sóz sóılep, pavılondarynyń kún energııa-
syna basa mán bergenin áńgi­me­ledi. «Astanada ótip jatqan ha­lyq­aralyq kórmege Úndistan Res­­pýblıkasynyń qatysýyn eki el arasyndaǵy tyǵyz qa­rym-qatynastyń kórsetkishi dep baǵalaý kerek. Bizdiń pavı­l­­onnyń taqyryby «Kún» dep ata­lady jáne ol elimizdiń kún ener­gııasyn ınnovasııalyq qol­da­nýdaǵy tájirıbesin, sonyń ishinde álemdegi alǵashqy 100 pa­ıyz jasyl tehnologııamen sa­lynǵan Kochın halyqaralyq áýe­jaıynyń úlgisin pash etedi», dedi elshi.

Qazaqstan tarapynan Syrtqy ister mınıstriniń orynbasary Aqylbek Kamaldınov Úndistan úki­metin táýelsizdik toıymen qut­tyqtap, kásipkerlerin el nary­ǵynda belsendi bolýǵa sha­qy­rdy. «Bıyl Qazaqstan men Ún­dis­tannyń dıplomatııalyq qa­rym-qatynasyna 25 jyl tolady. Bizdiń baılanystarymyz ekonomıka, energetıka, aqparattyq teh­nologııalar, saýda, saıasat, ás­ke­rı tehnıka jáne ózge de sala­lar­da damyp keledi. Úndis­tan­dyq kásipkerlerdi qazaq­stan­dyq ekonomıkaǵa ınvestısııa salýǵa shaqyramyz. Ol úshin bizdiń memleket barlyq qajetti jaǵdaıdy jasaıdy», dedi ol.
Merekege tanymal boksshy, Azııa boks konfederasııasynyń basshysy Serik Qonaqbaev ta qatysty. EKSPO-2017-niń shyn máninde orasan zor joba ekenin aıtqan ol «Úndistannyń boks fe­derasııasy strategııalyq se­rik­tesimiz. Qazir onda boks jo­ǵary deńgeıde damyp keledi. Ta­rıhqa úńil­sek te eki eldiń ǵa­syrlar boıy tyǵyz qarym-qatynasta bolǵanyn kórýge bolady», dedi.

Úndistanda ǵylym salasy qarqyndy damyp keledi. Onyń ishin­de jańǵyrmaly ener­­ge­tıkaǵa basa nazar aýda­ry­­lý­da. Sebebi eldiń aýyldy aı­maq­tarynda turatyn ha­lyq­­ty elektr qýatymen qam­tý al­dyń­ǵy qatardaǵy máse­le­ler­diń biri. Sondyqtan, Úndis­tan bı­ligi halyqaralyq kún alıan­syn qurýdy jón kórgen. Mun­da­ǵy basty maqsat álemdik ener­gotıimdilik naryǵynda nor­matıvtik-quqyqtyq bazany qurý bolyp tabylady. 2030 jylǵa deıin jergilikti úkimet balamaly energııa óndirisin 400 GVt-ǵa jetkizýdi kózdep otyr. Jel energetıkasyn óndirýden de memleket álemde kósh bastap keledi. Osy jetistikter jaıynda tolyq aqparat ulttyq pavılonda bar.