− Aýdan boıynsha Astanadaǵy halyqaralyq kórmeni úsh myńǵa jýyq adam tamashalamaq. Jaqynda ǵana Mamaı batyr aýyly men Saǵyr orta mektebiniń, aýdannyń basqa aýyldaryndaǵy myńnan astam mektep oqýshylary men ustazdary kórmeni tamashalap qaıtty. Olar EKSPO-ny aralaı júrip elimiz táýelsizdik alǵan shırek ǵasyr ýaqytta keremet jetistikterge jetkenine kýá boldy. Erekshe áser alǵan oqýshylar kórgen-bilgenderin jerlesterimen bólisýde. Aýdan ákimi Dáýlet Batyrbaev oqýshylardyń baryp-kelýine erekshe qamqorlyq jasady, olardyń jolyna, jatatyn jerine qarjylaı kómek kórsetti. Árıne, ata-analar da balalaryna qolǵabys jasady, −deıdi aýdandyq bilim bóliminiń basshysy Qýat Oqasov.
− Arqanyń tórindegi Astana Ulan aýdanynyń Mamaı batyr aýylyndaǵy orta mektepten barǵan oqýshylar men ustazdarǵa erekshe unady. Men ulym − Nartaı, qyzym − Ásemdi arqa tósindegi arý qalaǵa ertip barǵan edim. Olar alǵan áserleri jaıly dostaryna aıtýdan jalyqqan emes. Ásirese, qalanyń sol jaǵalaýy adam tanymastaı ózgerip ketken. Balalarmen birge «Báıterekke» shyqtyq, EKSPO-nyń birneshe pavılondaryn araladyq. Qazaqstannyń «Nurly Álem» atty segiz qabattan turatyn pavılonyn aralaýǵa jarty kún ketti. Birinshi qabattaǵy kún sáýlesi, jel arqyly elektr qýatyn óndiretin beınefılmdi tamashaladyq. Alǵan áserimiz erekshe. Elbasy N.Nazarbaevtyń sarabdal saıasaty arqasynda álem jurtshylyǵy elimizdi tanyp-bildi, kún saıyn damyp kele jatqanyna kóz jetkizdi. Kórmeni aralǵan kezde biz shetelderden kelgen qonaqtarmen tilmash arqyly sóılestik. Astanaǵa barǵan 30 oqýshy, 22 ustazdyń alǵan áserleri keremet, biz elimizdi maqtan tutamyz, onyń damýyna úles qosa beremiz, − deıdi ustaz Dınara Jańabaeva.
Ońdasyn ELÝBAI, jýrnalıst
Shyǵys Qazaqstan oblysy,
Ulan aýdany
