Halyqtyq kommýnıster fraksııasynyń jetekshisi óz sózinde Parlament Májilisiniń ótken sessııasynda atqarylǵan sharýalar jaıly aıta kelip, saılaýshylardy partııanyń zań shyǵarmashylyq jumysynan habardar etti. Bul rette depýtat konstıtýsııalyq reforma sheńberinde zańdarǵa engizilgen ózgerister jaıyn qozǵady. Memleket basshysynyń «Qazaqstannyń úshinshi jańǵyrýy: jahandyq básekege qabilettilik» Joldaýynyń negizgi erejeleri men «Bolashaqqa baǵdar: rýhanı jańǵyrý» atty maqalasynda kóterilgen máseleler týraly da óz oıyn ortaǵa saldy jáne fraksııanyń jumysymen de tanystyra ketti.
Atap aıtqanda, Vladıslav Kosarev jınalǵandardy partııanyń zańnamalyq bastamalarymen tanystyra otyryp, ózge de jumystarynyń qyryn ashyp kórsetýge tyrysty. Depýtat saılaýshylarmen aýyl sharýashylyǵyndaǵy ózgeristerge kóńili tolatyndyǵymen de bólisýdi jón kórdi. Depýtattyń jeke qabyldaýyna 8 adam jazyldy. Olar óńirdegi ózderin tolǵandyratyn máselelerdi ortaǵa saldy. Shýche qalasy ákiminiń orynbasary A.Ahmetova kóterilgen máseleler boıynsha tıisti sharalar atqarylyp jatqandyǵyn aıtty.
Asqar TURAPBAIULY,
«Egemen Qazaqstan»
Aqmola oblysy
