Zaýytta bolǵan kezde J.Ahmetbekov úsh sehtyń metallýrgterimen kezdesip, olarǵa Prezıdenttiń «Qazaqstannyń úshinshi jańǵyrýy: jahandyq básekege qabilettilik» taqyrybyndaǵy Joldaýyn túsindirip, jumyskerlerdi alańdatyp otyrǵan máseleler turǵysynda pikirlesti. Bul kúnde ónerkásiptiń asa zııandy salalarynda jumys jasaıtyn jumyskerlerdiń eńbekaqysyn kóterý, Qazaqstannyń ónerkásiptik aımaqtarynyń ekologııasy, sonymen qatar, «Qurmetti metallýrg» belgisin qaıtarý – balqashtyqtar úshin túıtkildi túıin. Kezdesý barysynda metallýrgter halyq qalaýlysynyń aldyna osy tektes suraqtardy qoıdy. Depýtat ár jumyskerdiń pikirin muqııat tyńdap, olardy tolǵandyrǵan máseleler jedel sheshimin tabýy úshin aıanyp qalmaıtynyn jetkizdi.
Metallýrgter Májilis depýtatyna olardyń qıynshylyqtaryna nazar aýdarǵany úshin alǵys bildirip, «Halyq kommýnısteri» fraksııasy eldiń joǵary zańnamalyq organynda burynǵydaı qarapaıym adamdardyń múddelerin qorǵaıtynyna úmit bildirdi.
Mıras ASAN,
«Egemen Qazaqstan»
Qaraǵandy oblysy,
Balqash qalasy
