Vıse-mınıstr sońǵy jyldary qolaısyz aýa raıy jaǵdaılary men dándi daqyldardyń aýrýlarynyń kóp taralýyna baılanysty astyq sapasy nasharlaǵany baıqalǵanyn atap ótti. Sondaı-aq 2014 jyly elıtaly tuqymdardy sýbsıdııalaýdyń alynyp tastalýy men olardy sýbsıdııalaýǵa mınımaldy normalardy ornatýǵa baılanysty aýyl sharýashylyǵy óndirýshileri sapaly tuqymdardy satyp alýdy qoıdy, sebebi mınımaldy normalar boıynsha tólenetin sýbsıdııalar olardyń shyǵyndaryn aqtamaıtyn boldy.
Bıyl osy jaǵdaıdy túzeý úshin birqatar júıeli sharalar qabyldandy, solardyń ishinde: biregeı jáne elıtaly tuqymdardy sýbsıdııalaý qaıta qalypqa keltirildi, tuqymdardy sýbsıdııalaýdyń mınımaldy normalary alynyp tastaldy, tuqym sharýashylyǵyn qarjylandyrý kólemi basymdyqtardy qaıta qaraý esebinen, aldynda bekitilgen bıýdjet aıasynda 2 esege – 3,7 mlrd-tan 7,2 mlrd teńgege deıin ulǵaıtyldy.
Sonyń nátıjesinde, 2017 jyly sapaly tuqymdar egistigi 1,5 esege ulǵaıtyldy. Elıtaly tuqymdardy paıdalaný kólemi 68%-ǵa ósti, al tómengi sapaly tuqymdardy paıdalaný 1,6 esege qysqartyldy.
О́z kezeginde, tuqym ósirý sharýashylyqtarynyń materıaldyq-tehnıkalyq bazasyna jasalǵan taldaý nátıjesinde 370 birlik tuqym ósirý tehnıkasyn jańartý qajettiligi anyqtaldy. Investısııalyq sýbsıdııalaý baǵdarlamasynda túbegeıli jaqsartý jumystary úshin 2018 jyldan bastap tuqym ósirý tehnıkasyna jumsalatyn shyǵyndardy óteý normatıvin 50%-ǵa deıin ulǵaıtý qarastyrylǵan, búginde ol 25%-dy quraıdy. Bul aldaǵy úsh jyl ishinde tuqym ósirý tehnıkalaryn tolyqtaı jańartýǵa múmkindik beredi.
Sondaı-aq, birinshi vıse-mınıstr tyńaıtqyshtardy paıdalaný máselesine toqtalyp ótti. Tyńaıtqyshtardy sýbsıdııalaýdyń burynǵy tetikteri olardy qajetti kólemde paıdalanýǵa suranys týdyrmaıtyn. Sonyń saldarynan olardy qoldaný orta eseppen qajettiliktiń 10%-nan aspaıtyn. Osyǵan oraı 2017 jyldan bastap tyńaıtqyshtardy sýbsıdııalaýdyń jańa sulbasy engizildi, onda naqty mánindegi naqty normatıvter bekitilgen.
Búgingi tańda 309 myń tonna tyńaıtqysh satylyp alynǵan, bul 2016 jyly 261 myń tonnany quraǵan jalpy kólemnen kóp. Jyl qorytyndysy boıynsha sońǵy birneshe jylda alǵash ret tyńaıtqyshtardy paıdalaný qajettiliktiń 14%-yn quraıdy.
