«14-20 tamyz kúnderi EKSPO halyqaralyq mamandandyrylǵan kórmesine 345 445 adam, ıaǵnı orta eseppen kúnine 49 349 adam keldi. О́tken aptamen salystyrǵanda kelýshiler sany 14 myń adamǵa artqan. 10 maýsym men 20 tamyz aralyǵynda EKSPO-2017 kórmesine 2 779 820 adam keldi», - dep habarlady «Astana EKSPO-2017» UQ» AQ baspasóz qyzmeti.
Budan buryn 4 tamyz kúni Oral qalasynyń turǵyny Ǵaısa Jumalıev «EKSPO-2017» kórmesiniń eki mıllıonynshy kelýshisi atanyp, Ulttyq kompanııa basshysy Ahmetjan Esimov kelýshini arnaıy quttyqtaǵan bolatyn. Baspasóz qyzmetiniń málimetinshe, EKSPO qonaqtary eń kóp tamashalaǵan pavılondar arasynda – Afrıka plazasy, Egıpet,Túrkııa alǵashqy úshtiktiń qatarynda bolsa, Odan keıingi oryndarǵa Taıland, Ázerbaıjan, Úndistan, Reseı, О́zbekstan, Japonııa, Saýd Arabııasy Koroldigi retimen jaıǵasqan.
