Onda álemniń 13 elinen kelgen 100 astam úkimet ókilderi men sarapshylar bas qosty. Shara barysynda Astanadaǵy memlekettik qyzmet salasyndaǵy О́ńirlik hab pen Qytaıdyń memlekettik basqarý akademııasy memorandýmǵa qol qoıdy. Semınar elderdiń jalpy damýy men yntymaqtastyq aıasyn keńeıtýge zııatkerlik qoldaý kórsetý maqsatynda ótkizildi. Onyń ashylý saltanatynda О́ńirlik habtyń basqarýshy komıtet tóraǵasy Álıhan Baımenov sóz sóıledi.
«О́zara yqpaldasý jáne ózara táýeldilikpen sıpattalatyn órkenıettiń qazirgi damý kezeńi adamzattyń bolashaǵy úshin ortaq jaýapkershilik máselesin jańa deńgeıge kóteredi, jahandyq jáne aımaqtyq yntymaqtastyqty jandandyrý jalpy damýdy qamtamasyz etýde mańyzǵa ıe», - dep atap ótti Álıhan Baımenov. «Kez-kelgen ınnovasııa, álemniń qaı túkpirinde shyqsa da, ol - adamzatqa ortaq ıgilik, álemniń de damýyna qyzmet etýi tıis. Barlyǵynyń ashyq, ınnovasııalyq jáne jan-jaqty damýy ıdeıasy BUU-nyń turaqty damý maqsattarynda da kórinis tapqan», - dedi basqarý komıtet Tóraǵasy. Onyń aıtýynsha, taǵdyry ortaq jahandyq qaýymdastyq qurý tujyrymdamasy men damý maqsattaryn júzege asyrýda progress kóbine basqarý ınstıtýttary tıimdiligine táýeldi.
«Teń teńimen» qaǵıdaty boıynsha tájirıbe almasý, ortaq zertteýler jasaý, sondaı-aq, áriptestikti damytý úkimettiń memlekettik basqarý tıimdiligin arttyrý boıynsha úkimetterdiń umtylystaryna serpin beredi. Sondyqtan, Qazaqstan úkimeti men BUU Damý baǵdarlamasy Astanadaǵy О́ńirlik habty qurý bastamasyn kóterdi», - dedi Álıhan Baımenov. Qazirgi tańda Habta Amerıka, EO, TMD, Kavkaz jáne ASEAN elderin qosa alǵanda 38 qatysýshy memleket bar. Qytaı – Habtyń quryltaıshylarynyń ári belsendi qatysýshylarynyń biri.
Semınar aýqymynda Hab pen álemdegi memlekettik basqarý salasyndaǵy iri bilim jáne ǵylymı zertteý ınstıtýttarynyń biri – Qytaıdyń memlekettik basqarý akademııasy arasynda memorandýmǵa qol qoıyldy. Bul - eki uıym yntymaqtastyǵynyń jańa kezeńge shyǵýynyń bastaýy.
Akademııanyń atqarýshy vıse-prezıdenti (vıse-mınıstr) Ma Dzentan Akademııanyń memlekettik qyzmet salasyndaǵy tájirıbe jáne bilim almasýdyń mańyzdy halyqaralyq ortalyǵy sanalatyn Astana Habymen áriptestikti tereńdetý jáne keńeıtý boıynsha yqylasyn jetkizdi. Álıhan Baımenov óz kezeginde Akademııaǵa Habtyń merzimdi basylymy – Memlekettik qyzmet reformasy men praktıkasy halyqaralyq jýrnalynyń Qytaıdaǵy ákimshilik reformalarǵa arnalǵan arnaıy shyǵarylymyn tartý etti. Taraptar birlesken sharalardyń tıimdiligin atap ótip, olardyń aldaǵy perspektıvalaryn, onyń ishinde memlekettik qyzmetkerler áleýetin kóterý, ǵylymı zertteýler jasaý, ǵylymı eńbekter men zertteýler nátıjelerimen almasý máselelerin talqylady.
Memlekettik basqarý boıynsha bul semınar BRIKS (Brazılııa, Reseı, Úndistan, Qytaı, OAR) elderi basshylarynyń bıyl qyrkúıekte Sıamende ótetin kezdesýi qarsańynda ótkizildi.
