Alqa otyrysyna Qazaqstan Respýblıkasynyń Ishki ister mınıstri Q. Qasymov, Reseı Federasııasynyń Ishki ister mınıstri V.Kolokolsev, sondaı-aq eki el mınıstrleriniń orynbasarlary, QR IIM jáne RF IIM ortalyq apparattarynyń basshylary, TMD-daǵy Uıymdasqan qylmysqa jáne qylmystyń ózge de qaýipti túrlerine qarsy kúresti úılestirý jónindegi bıýrosynyń (BKBOP SNG) dırektory, osy bıýroǵa Qazaqstan Respýblıkasynan taǵaıyndalǵan ókil, sondaı-aq jekelegen óńirlerdiń IID basshylary qatysty.
Jıynda mınıstrler Birlesken alqanyń ekinshi otyrysynda (О́skemen q. 2016 j) qabyldaǵan sheshimderdiń sátimen júzege asyrylyp jatqanyn, sonyń ishinde shekaralyq yntymaqtastyq aıtarlyqtaı arta túskenin atap ótti.
Kezdesý barysynda Qazaqstan men Reseı ishki ister organdarynyń zańsyz esirtki aınalymyna qarsy kúres salasyndaǵy ekijaqty yntymaqtastyǵy jan-jaqty qarastyryldy. Osy másele boıynsha Qazaqstan men Reseıdiń shekeralas óńirlerinde, dálirek aıtqandaı Kaspıı teńizi aýmaǵynda jedel aldyn alý operasııalaryn ótkizý týraly sheshim qabyldandy.
Buǵan qosa, taraptar zańsyz kóshi-qonǵa qarsy is-qımyl salasyndaǵy yntymaqtastyǵyn uıymdastyrý, ulttyq zańnamalardaǵy ózgerister týraly málemetterdi jedel almasý jáne osy baǵyttaǵy tıimdi jumys tájirıbesimen bólisýdi jandandyrý máseleleri boıynsha pikir almasty.
Otyrystyń qorytyndysynda delegesııa basshylary zańsyz esirtki aınalymyna qarsy kúreste vedomstvoaralyq yntymaqtastyqty jetildirý, sondaı-aq zańsyz kóshi-qonǵa qarsy is-qımyl salasyndaǵy ekijaqty yntymaqtastyqty uıymdastyrýǵa qatysty sheshimderge qol qoıyp, sonymen birge Birlesken alqanyń 2018 jylǵy Jumys josparyn bekitti.
Qazaqstan Respýblıkasy men Reseı Federasııasy ishki ister mınıstrlikteriniń Birlesken alqasynyń kelesi otyrysy Qazaqstanda ótkiziletin boldy.
