Shara barysynda áleýmettik jeli qoldanýshylary ekologııalyq ıdeıalardy arnaıy heshtegtermen bólisedi. Malaızııada bul naýqan bastalǵan eken. 20 mıllıonnan astam adam #MyButterflyEffect, #Wattif heshtegterimen jazba jarııalap úlgergen.
1963 jyly Edvard Lorenz «Kóbelek áseri» prınsıpin ashypty. Onyń aıtýynsha, jer sharynyń bir buryshynda ushyp júrgen kishkentaı kóbelektiń qanat qaǵysynan paıda bolǵan jel álemniń ekinshi buryshyndaǵy muhıt tolqynyna sebep bolady. Iаǵnı kishkentaı kóbelektiń bolmashy qanat qaǵysy úlken nátıjege jeteleıdi. Joǵarydaǵy aksııa da búkil álemge «jasyl» damý týraly ıdeıany nasıhattaý úshin «kóbelek áserin» týdyrýǵa baǵyttalǵan.
Sharanyń saltanatty jaǵdaıdaǵy ashylýyna Malaızııanyń Selangor shtatynyń murager hanzadasy Tengký Ámir Shah Ibn Sultan Idrıs Shah arnaıy keldi. «Bul aptalyq taza energııa óndirisine jańa qarqyn beredi, Qazaqstan men Malaızııa jastary jasyl ekonomıka ıdeıasynan shabyt alyp, «kóbelektiń áserin» arttyrady. Bizdiń naýqan bolashaqtyń energııasy men klımattyń ózgerýi týraly mańyzdy taqyrypty kóterip otyr jáne jastarǵa áleýmettik jelide ún qatýǵa múmkindik berýde. Apta boıy áleýmettik jelide «jasyl energııa» týraly jazbalardyń kóbeıýine atsalysamyz», edi ol.
Jıynda qazaqstandyq «MOST» jas kásipkerlerdiń bıznes-ınkýbatory men «Future Innovation Council» malaızııalyq úkimettik emes uıymdar jelisi arasynda ózara túsinistik týraly memorandýmǵa qol qoıyldy. Qujatqa sáıkes, eki uıym ınnovasııalar men ónimdilikti arttyrý boıynsha bastamalar salasynda birge jumys isteıtin bolady. Sondaı-aq, «MOST» bıznes-ınkýbatory malaızııalyq «Techstars» jańa startap-ınkýbatorymen kelisimge keldi.
