Atalǵan is-sharaǵa óńirlik etnomádenı birlestikter, óńirdegi tarıhı-ólketaný murajaılary, jastar uıymdary, barlyq deńgeıdegi óńirlik kitaphanalar, Qazaqstan halqy Assambleıasynyń ǵylymı-sarapshylyq toptary men buqaralyq aqparat quraldarynyń ókilderi qatysty.
Sharanyń negizgi maqsaty Elbasy Nursultan Nazarbaevtyń «Bolashaqqa baǵdar: rýhanı jańǵyrý» maqalasyn júzege asyrý maqsatynda qoǵamdyq sanany jańǵyrtý jónindegi «Qazaqstannyń qasıetti rýhanı qundylyqtary» jobasyn iske asyrý jáne Memleket basshysynyń qoǵamdyq kelisim men jalpyulttyq birliktiń qazaqstandyq úlgisin dáripteý bolyp tabylady. Atalǵan ekspedısııaǵa qatysýshylar búgin Taraz qalasyndaǵy «Dostyq úıinde» bas qosyp, úsh baǵytqa bólindi. Birinshi baǵyttyń alǵashqy aıaldamasy Taraz qalasyndaǵy Qarahan baba kesenesi men Jambyl aýdanyna qarasty Aısha bıbi kesenesi bolmaq. Odan keıingi ekinshi baǵyt Jýaly aýdanyndaǵy Baýyrjan Momyshuly murajaıyna attanady. Budan keıin saıahatshylar Talas aýdanynda ornalasqan Tamdy qalashyǵy men Sarysý aýdanyndaǵy Yqylas Dúkenuly murajaıyn tamashalaıdy.
Dál osy ýaqytta ekinshi baǵytpen shyqqan saıahatshylar Baızaq aýdanyndaǵy Aqyrtas qalashyǵyna, T.Rysqulov aýdanyndaǵy Qulan tóbe qalashyǵyna jáne Merki aýdanyndaǵy Sypataı batyr mavzoleıine ekspedısııa jasaıdy. Al úshinshi baǵyttaǵy qatysýshylar Shý aýdanyndaǵy Jaısań qorymy men Qordaı aýdanyndaǵy О́tegen batyr kesenesine baratyn bolady. Apta boıy Áýlıeata óńirinde jalǵasatyn «О́z ólkeńdi tany!» tarıhı-mádenı ekspedısııasy kelesi aptada Talas aýdanyna qarasty «Taý samaly» lagerinde qorytyndylanady dep kútilýde.
Hamıt Esaman,
«Egemen Qazaqstan»
Jambyl oblysy
