Sýret JI kómegimen jasalǵan
Jazǵy olımpıadalyq jáne olımpıadalyq emes sport túrleri boıynsha sportshylarymyz 138 medal (51 altyn, 39 kúmis, 48 qola) jeńip aldy. Bul – Qazaqstannyń álemdik sporttaǵy turaqty ósimin kórsetetin mańyzdy kórsetkish.
Ulttyq sport túrleri de nazardan tys qalmady. Qazaqstan quramasy 22 medal ıelenip (9 altyn, 6 kúmis, 7 qola), dástúrli sporttyń damyp kele jatqanyn dáleldedi. Bul baǵyt ulttyq murany saqtaýmen qatar, halyqaralyq deńgeıde de tanytýǵa múmkindik berip otyr.
Parasportshylar da joǵary nátıje kórsetti. Jalpy 34 medal (15 altyn, 10 kúmis, 9 qola) jeńip alǵan olar el mereıin asyrdy. Onyń ishinde:
- Paralımpıadalyq sport túrlerinde – 24 medal (7 altyn, 8 kúmis, 9 qola)
- Paralımpıadalyq emes baǵytta – 10 medal (8 altyn, 2 kúmis)
Bul kórsetkish ınklıýzıvti sporttyń qarqyndy damyp kele jatqanyn ańǵartady.
Qysqy Paralımpıada aıaqtaldy: Qazaqstan jalpy esepte qandaı nátıje kórsetti?
Qysqy sport túrlerinde de jetistik bar. Sportshylarymyz 6 medal (4 altyn, 2 kúmis) jeńip aldy. Bul Qazaqstannyń qysqy sporttaǵy áleýetin aıqyndaı túsedi.
Birqatar jas sportshy halyqaralyq dodalarda top jardy:
- Velotrekten Qazaqstannyń jasóspirim qyzdar quramasy Fılıppınniń Tagaıtaı qalasynda ótken Azııa chempıonatynda komandalyq iz kesý jarysynda altyn medal jeńip aldy.
- Frıstaıl-akrobatıkadan jasóspirimder arasyndaǵy álem chempıonatynda Asan Asylhan (103,35 upaı) altyn, al Dinmuhamed Raıymqulov (92,82 upaı) kúmis júldeger atandy.
- Sporttyq gımnastıkadan Mılad Karımı Baký qalasynda ótken Álem kýboginde 2 kúmis medal ıelendi.
- Konkıshi Krıstına Shýmekova jasóspirimder arasyndaǵy álemniń absolıýtti chempıony atanyp, 5 altyn medal jeńip aldy. Bul – otandyq sport tarıhyndaǵy aıtýly jetistik.
Sala mınıstrligi sportshylardy daıarlaý baǵytyndaǵy jumystardy júıeli túrde jalǵastyryp keledi. Bul – aldaǵy kezeńde de Qazaqstan sportshylarynyń jeńisti jolyna negiz bolmaq.
Olımpıadaǵa daıyndyq barysyn qoldaý: Sportshylarǵa qomaqty qarjy berildi
