Foto: Úkimettiń baspasóz qyzmeti
Otyrys barysynda Memleket basshysynyń «Ekonomıkany yryqtandyrý jónindegi sharalar týraly» Jarlyǵynyń oryndalýy qaraldy. Basym mindetterdiń biri – dári-dármekterdi naryqqa shyǵarý merzimin 3-5 jyldan 100 jumys kúnine deıin qysqartý.
Osy maqsatta Densaýlyq saqtaý mınıstrligi «biryńǵaı tereze» qaǵıdaty boıynsha kompozıttik memlekettik qyzmet engizip jatyr. Bul júıe dári-dármekterdi tirkeý men saraptaý prosesterin biriktiredi.
Komıssııa otyrysynda sıfrlyq sheshimderdi keńinen engizý jáne satyp alýdyń barlyq negizgi tizbelerine dárilik zattar men medısınalyq buıymdardy engizý máselesi talqylandy. Bul halyqtyń ınnovasııalyq medısınaǵa qoljetimdiligin arttyrýǵa jáne tehnologııalar transfertin jedeldetýge baǵyttalǵan.
Dári-dármek baǵasy qymbattady ma? Mınıstrlik monıtorıng derekterin jarııalady
Jıynda mobıldi qurylǵylardy Sáıkestendirý kodtarynyń bazasyna engizý úshin verıfıkasııalaý máselesi de qaraldy. Premer-mınıstrdiń orynbasary – jasandy ıntellekt jáne sıfrlyq damý mınıstri Jaslan Mádıev zańnamalyq deńgeıde bul rásimdi bekitýdiń mańyzyn atap ótti.
Bul qadam tirkeý júıesiniń turaqtylyǵyn qamtamasyz etip, sıfrlyq ınfraqurylymnyń úzdiksiz jumys isteýine múmkindik beredi.
Sonymen qatar elektrondyq qujat aınalymy júıeleri naryǵyn damytý jáne sıfrlyq sektorda básekelestik ortany qalyptastyrý boıynsha júrgizilip jatqan jumystar týraly aqparat berildi.
Bul sharalar sıfrlyq ekonomıkanyń tıimdiligin arttyrýǵa jáne jańa oıynshylardyń naryqqa shyǵýyna jaǵdaı jasaýǵa baǵyttalǵan.
Otyrysta Elektr energııasyn biryńǵaı satyp alýshy tetiginiń jumysy da qaraldy. Bul mehanızm ınvestısııa tartýǵa, jańa qýat kózderin iske qosýǵa jáne tarıftik júktemeni teńestirýge múmkindik beredi. Sondaı-aq temirjoldaǵy kireberis joldar salasyndaǵy problemalardy sheshý máselesi de talqylandy.
Endi azamattar dári-dármek baǵasyn Naqty Onim arqyly teksere alady
Ekonomıkany yryqtandyrý sharalary boıynsha Premer-mınıstrdiń birinshi orynbasary Roman Sklıar, Premer-mınıstrdiń orynbasary – ulttyq ekonomıka mınıstri Serik Jumanǵarın, energetıka mınıstri energetan Aqkenjenov, ónerkásip jáne qurylys mınıstri Ersaıyn Naǵaspaev, «Samuryq-Qazyna» UÁQ» AQ basqarma tóraǵasy Nurlan Jaqypov jáne basqa da qatysýshylar pikir bildirdi.
Otyrys qorytyndysy boıynsha Premer-mınıstr Oljas Bektenov memlekettik organdar men vedomstvolarǵa birqatar tapsyrma berdi:
-
Qarjy mınıstrligi: múddeli memlekettik organdarmen birlesip, sondaı-aq Qordyń enshiles (táýeldi) kompanııalary men holdıngterin eskerip, ony merzimdi ózektendirý jónindegi normatıvtik talapty belgileı otyryp, Memlekettik múlik tizilimin jańartsyn.
-
Ulttyq ekonomıka mınıstrligi: BQDA jáne memlekettik organdarmen birlese otyryp, monopolııalyq naryqtardy qospaǵanda, baǵalar men tarıfterdi qalyptastyrý erkindigin shekteıtin normalardy alyp tastaý jóninde usynystar engizsin; jekeshelendirý obektileri boıynsha ınvestısııalyq tartymdylyǵyn arttyrý maqsatynda Jol kartalaryn bekitsin; Energetıka mınıstrligimen birlesip, yryqtandyrý týraly Jarlyqty eskere otyryp, elektr energııasy men kommýnaldyq qyzmetterge qaıtalama sýbsıdııalaýdyń kúshin joıý merzimderin sınhrondaý.
-
Densaýlyq saqtaý mınıstrligi: Biryńǵaı dıstrıbıýtordiń satyp alý tizimine jáne ambýlatorııalyq dári-dármekpen qamtamasyz etý júıesine dári-dármekter men medısınalyq buıymdardy engizý prosesterin sıfrlandyrýdy jedeldetý.
-
Jasandy ıntellekt jáne sıfrlyq damý mınıstrligi: mobıldi qurylǵylardy verıfıkasııalaý boıynsha zańnamalyq ózgerister qabyldasyn. BQDA-men birlesip, elektrondyq qujat aınalymyna qatysýshylardy irikteý rásimderin jetildirý jumystaryn jalǵastyrsyn.
-
Ulttyq ekonomıka mınıstrligi: tabıǵı monopolııa sýbektilerin derbes aıqyndaý úshin zańnamalyq túzetýler qabyldasyn.
-
«Samuryq-Qazyna» UÁQ» AQ BQDA-men birlesip, qordy satyp alý sheńberinde tásilderdi jetildirý jumystaryn ári qaraı jalǵastyrsyn.
