Olardyń ishinde ázirge eki otbasy Aqtoǵaı aýdanyna qonys aýdarýǵa barsa, qalǵandary ondaǵy jaǵdaımen tanysyp, múmkindikterdi qarastyryp almaq nıette. Saryaǵash aýdany Abaı aýlynyń turǵyny Seıdaly Áshirbaev osydan bir aı buryn atalǵan aýdanǵa baryp, ondaǵy tynys-tirshilikti kózben kórip qaıtypty. Turǵynnyń aıtýynsha, aýdan aýyl sharýashylyǵyn damytýǵa suranyp tur. Endigi jerde ol qolaıly aýa raıy men qunarly jerdi, saqadaı saı tehnıkalardy paıdalanyp egin egýdi josparlap otyr.
Soltústikke bet burǵan azamattardy oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Muhıt Otarshıev bastaǵan top shyǵaryp saldy. Basqarma basshysynyń aıtýynsha, bıylǵy jyly 113 otbasy soltústikke kóshken. Oblys turǵyndary elimizdiń jumys kózi kóp aımaqtaryna qonys aýdarý sharasy aıasynda otbasylar soltústiktiń Aıyrtaý, Aqjar, Jumabaev, Esil jáne Ýálıhanov aýdandaryna baryp qonystanady. Tańdalǵan Pavlodar, Qostanaı, Soltústik jáne Shyǵys Qazaqstan oblystaryna kóship barǵandardyń ishinde ońtústikqazaqstandyqtardyń úlesi basym, deıdi basqarma mamandary. Olardyń deni sonda aýyl sharýashylyǵyn salasyn túletip otyr.
Aıta keteıik, oblystan soltústik aımaqqa kóshýge nıet bildirgender sany kóbeıip keledi. Salaǵa «jaýaptylar qonys aýdarǵan azamattar aldymen baspanamen qamtylyp, jumysqa ornalastyrylady» deıdi. Bıyl qonys aýdarǵan otbasynyń árbir múshesine aılyq eseptik kóleminde, ıaǵnı shamamen 80 myń teńge bir rettik kómek beriledi. Sonymen qatar, bir jylǵa deıin turatyn úıdiń jaldaý aqysy men kommýnaldyq tólemderi óteletin bolady.
