Halyqaralyq «Jaıdarman» oıynyn Sh. Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵy men «Qazaqstan KVN Odaǵy» respýblıkalyq jastar qoǵamdyq birlestigi uıymdastyryp otyr. Jobaǵa Qazaqstan, Reseı (tatar, bashqurt), Qyrǵyzstan elderinen 10 komanda qatysady. Oıyn 25 tamyzda "Astana" konsert zalynda saǵat 18:30-da bastalady.
«Jaıdarman» oıyndary jastardyń shyǵarmashylyq alańy ǵana emes, qoǵamdaǵy túıtkil máselelerdi ázilmen astarlaı jetkizetin óner dodasyna aınalǵan jáne qazaqstandyqtar súıip kóretin televızııalyq joba retinde qalyptasty. «Jaıdarman» alańynyń mektep jasyndaǵy jetkinshektermen qatar stýdentterdi, jumysshy jastardy qosa alǵanda 200 myńǵa jýyq talanttardy toptastyrǵany kóńil qýantady.
Jastardy qyzyqtyratyn joba Qazaqstan Respýblıkasy Mádenıet jáne sport mınıstrligi Tilderdi damytý jáne qoǵamdyq-saıası jumys komıtetiniń memlekettik tapsyrmasy negizinde ótpek.
Búginde Prezıdentimizdiń rýhanı jańǵyrý jónindegi taǵdyr sheshti úndeýin jastarmen ushtastyrý maqsaty paıda boldy. Osy úndeýdegi – ulttyq sana, ulttyq biregeılikti saqtaý, bilimniń saltanat qurýy týraly bólimder – eń aldymen, qazaq jastaryna baǵyttalǵan ustazdyq aqyl men talap dep túsinemiz. Sonymen qatar jobanyń EXPO-2017 kúnderi kezinde ótkizilýi oń pikir qalyptastyratynyna senimdimiz.
