Foto: Úkimet
Ekologııalyq aksııaǵa jergilikti turǵyndar men belsendiler de qatysty. Is-sharada bulaq kózi tazartylyp, aınalasyn abattandyrý, kóshetter otyrǵyzý jumystary júrgizildi. «Aq-Ata» bulaǵynyń arıhy XVII-XVIII ǵasyrlardan bastalady. Al jalpy aýdany 3,5 gektardy quraıdy.
Túrkistan oblysy ákiminiń orynbasary Nurbol Turashbekov aldaǵy ýaqytta óńir boıynsha 1,5 myńǵa jýyq bulaq kózin tazartý josparlanyp otyrǵanyn aıtty.
Búginde ekologııalyq is-sharalarǵa 3,8 myńnan astam adam qatysqan. Is-sharaǵa jastardyń qatysýyna erekshe mán berilip otyr. Bul óz kezeginde ekologııalyq mádenıetti qalyptastyrýǵa, sý resýrstaryna uqypty qaraýǵa jáne óskeleń urpaqty tabıǵat qorǵaý isine keńinen tartýǵa yqpal etedi.
Oljas Bektenov Túrkistanda salynyp jatqan elektr stansasynyń qurylysyn tekserdi
Sý resýrstary jáne ırrıgasııa mınıstrliginiń dereginshe, sý resýrstaryn saqtaý jáne utymdy paıdalaný jumystary júıeli túrde júrgizilip keledi. Bulaqtar sý tapshylyǵy jaǵdaıynda sýmen qamtamasyz etýdiń qosymsha kózi retinde qarastyrylady. «Qazgıdrogeologııa» ulttyq gıdrogeologııalyq qyzmeti bulaqtardy túgendeý jumystaryn júrgizedi. Aldyn ala derekter boıynsha 711 bulaq kózi anyqtaldy, sondaı-aq muraǵat materıaldary boıynsha 2 772 bulaq kartasy jasaldy.
Jalpy, ekologııalyq bastamalardy júzege asyrý sýdyń tabıǵı kózderin saqtaýǵa, halyqtyń ekologııalyq mádenıetin arttyrýǵa jáne sý resýrstaryna uqypty qaraýǵa baǵyttalǵan.
Oljas Bektenov: Jańa Konstıtýsııa memleket pen qoǵamnyń ornyqty damýyna berik negiz bolady
«Memleket basshysynyń tabıǵatqa uqypty qaraý jónindegi bastamasy azamattardyń qoldaýynyń arqasynda Konstıtýsııa deńgeıinde tıisti quqyqtyq turǵyda bekitildi. «Taza Qazaqstan» bastamasy qoǵam men memlekettiń kúsh-jigerin biriktire otyryp, jalpyulttyq qozǵalysqa aınaldy. Bul – nátıjeli, jasampaz patrıotızmniń aıqyn úlgisi. Búgingi tańda aksııa tek senbiliktermen jáne aǵash otyrǵyzýmen shektelmeıdi. «Móldir bulaq» bastamasy tabıǵı bulaqtar men sý aıdyndaryn qamtı otyryp, aıasy keńeıip keledi. Sondaı-aq sý resýrstaryn utymdy paıdalaný máselesiniń mańyzyn jalpy qoǵamdyq deńgeıde kóterip otyr», dedi Oljas Bektenov.
Oljas Bektenov kommersııalyq ıpoteka kólemin arttyrýdy tapsyrdy
Aıta keteıik, «Móldir bulaq» aýqymdy ekologııalyq aksııasy bıyl 23 naýryzda bastaldy. Birinshi kezeńde tazartý jáne abattandyrý jumystary elimizdiń alty óńirinde ornalasqan 29 bulaqty qamtıdy. Ekinshi kezeń osy jyldyń sáýir aıyna josparlanǵan. Onyń aıasynda bulaq kózin ashý, sý jınaý, tazartý jáne abattandyrý, irgeles aýmaqtardy tazalaý, qoqystar shyǵarý, sondaı-aq halyqtyń ekologııalyq mádenıeti men sý resýrstaryn tıimdi paıdalaný jónindegi saýattylyǵyn arttyrýǵa baǵyttalǵan is-sharalar ótkiziledi.
