Áýpirimdep birinen keıin birin ótip kelemiz. Sóıtip, Qordaıdy da artqa tastadyq. Shýǵa jetpeı radarǵa túsippiz. Bul jaryqtyqtar qazir ábden qý bolyp alǵan eken ǵoı. Radary aýyldyń ishinde turady. О́zi quıtaqandaı ǵana nárse eken. Kózge de kórinbeıdi. Al ózderi aýyldyń syrtynda kompıýtermen álgini baqylap otyrady. Sodan toqtadyq. Tústim de, mańdaıyna qolyn taqap jatqan polısııaǵa bas joq, kóz joq:
– Meniń jezdem qaıda? – dedim.
– Qandaı jezde?
– E-e, osy jerde tanaýy tańqıyp, aýzy ańqıyp, qaryny qabaqtaı, beti tabaqtaı bolyp turatyn edi ǵoı.
– Ǵabıt pe?
– Iá.
– Ol joq.
– Joǵy nesi? Qaıda ketti?
– Demalyp jatyr. Jumysta túnde bolǵan.
– Men ne isteıin endi? Sol tur eken dep quıǵytyp kele jatyrmyn ǵoı.
– Oıbaı, júre berińiz...
Shyndyǵynda, eshqandaı jezdem joq edi. Ana teńeý Qazaqstandaǵy jol polısııasynyń jartysyna jaraıtyn, minezin ashatyn teńeý ǵoı. Al álgi kisi soǵan ımandaı senip qaldy.
Sóıtip, ótirik jezdeniń arqasynda taıyp turdyq...
Erjan BAITILES,
«Egemen Qazaqstan»
Qyzylorda oblysy
