Foto: saudagovkz
Saýda jáne ıntegrasııa mınıstri Arman Shaqqalıevtiń Qytaıdyń Fýszıan provınsııasyna jasaǵan jumys sapary barysynda iri ınvestısııalyq jobalar boıynsha kelissózder júrgizildi. Nátıjesinde qytaılyq Fujian Hengwang Investment kompanııasymen metallýrgııalyq kombınat salý máselesi pysyqtaldy.
Josparlanǵan jobaǵa sáıkes, ınvestısııa kólemi 1,2 mlrd dollarǵa deıin jetýi múmkin. Kombınat iske qosylǵan jaǵdaıda shamamen 2,5 myń jańa jumys orny ashylady. О́ndirilgen bolat negizinen ishki naryqty qamtyp, sonymen qatar eksportqa baǵyttalmaq.
Sonymen birge taraptar Qazaqstan aýmaǵynda basqa da óndiristik jobalardy damytýǵa nıetti. Atap aıtqanda, Jinyuan toqyma kompanııasymen jip ıirý óndirisin iske qosý jáne shıkizatty tereń óńdeý baǵyttary qarastyrylyp jatyr. Weihua Heavy Machinery kompanııasymen júk kótergish tehnıka shyǵaratyn óndiris pen ınjenerlik ortalyqtar qurý múmkindigi talqylanyp jatyr.
Shenda Electric kompanııasymen transformatorlar men elektrotehnıkalyq ónimder óndirý jobasy pysyqtalsa, Jinlun Hi-tech Fiber kompanııasymen sıntetıkalyq talshyqtar men hımııalyq óńdeý salasyndaǵy jobalar qarastyrylyp otyr.
Qazaqstan Qytaıdan kólik ımporttaýshy 10 eldiń qataryna endi
Bul bastamalar elimizde qosylǵan quny joǵary óndiristerdi damytýǵa, jańa tehnologııalardy engizýge jáne eksporttyq áleýetti arttyrýǵa baǵyttalǵan. Sonymen qatar óndiristerdi jergiliktendirý arqyly Qazaqstannyń ındýstrııalyq bazasy nyǵaıa túsedi.
Mınıstr Arman Shaqqalıevtiń aıtýynsha, Fýszıan – Qytaıdyń jetekshi ónerkásiptik jáne eksporttyq óńirleriniń biri. Qazaqstan Qytaımen tek el deńgeıinde emes, naqty aımaqtarmen tikeleı jumys isteý arqyly tıimdi nátıjege qol jetkizýdi kózdep otyr.
«Fýszıannyń porttary arqyly Qazaqstan ónimderi Qytaıdyń ońtústigine jáne ASEAN elderiniń naryǵyna shyǵýǵa múmkindik alady», dedi mınıstr.
QazTrade málimetine sáıkes, 2025 jyly Qazaqstan men Fýszıan provınsııasy arasyndaǵy taýar aınalymy shamamen 522 mln dollardy quraǵan. Bul kórsetkish ekijaqty ekonomıkalyq baılanystardyń áleýeti joǵary ekenin aıqyndaıdy.
Qazaqstan Qytaı arqyly tranzıttik avtotasymaldaý quqyǵyn alǵan alǵashqy el atandy
