Foto: Sputnik / Vladıslav Vodnev
2010 jyly týǵan Hasen Mardan Ǵalymjanuly 21 naýryz kúni Ordabasy aýdanyndaǵy úıinen shyǵyp, Túrkistan qalasyna barǵan. Alaıda ol jaqyndarymen baılanysqa shyqpaı, iz-tússiz ketken. Osydan keıin jergilikti polısııa dereý izdestirý jumystaryn bastaǵan.
Izdeý sharalaryna Túrkistan oblysy polısııa departamenti men qalalyq polısııa basqarmasynyń tájirıbeli jedel ýákilderi jumyldyryldy. Balanyń ata-anasy onyń telefony úıde qalǵanyn aıtyp, qatty alańdaǵan. Bul jaǵdaı izdestirý jumystaryn jedeldetýge sebep boldy.
Polıseıler jasóspirimniń qozǵalys baǵytyn anyqtaý úshin beınebaqylaý kameralaryn muqııat zerdelep, Túrkistan qalasy aýmaǵyn tolyq tekserdi. Keıin izdeý jumystary kórshiles Shymkent qalasynda da jalǵasty.
Jedel izdestirýdiń nátıjesinde 15 jastaǵy jasóspirim Shymkent qalasynan tabyldy. Polıseıler ony ata-anasyna tabystady.
Quqyq qorǵaý organdary izdeý jumystaryna qoldaý bildirgen buqaralyq aqparat quraldary men jergilikti turǵyndarǵa alǵys aıtty. Sonymen qatar tártip saqshylary ata-analarǵa balalaryna kóbirek kóńil bólip, olarmen ashyq sóılesýdiń mańyzyn eske saldy.
Aqtóbede qoqys alańdarynyń birinen er adamnyń máıiti tabyldy
