Memleket basshysynyń parlamenttik sessııanyń ashylýynda alǵa qoıǵan mindetterine sáıkes depýtattar úshjyldyq respýblıkalyq bıýdjetti qaraıdy, Salyq kodeksi men keden zańdaryn jetildirý, Ulttyq Bankiniń ekinshi deńgeıge qatysty baqylaý ókilettikterin kúsheıtý, saqtandyrý júıesin damytý, dári-dármek aınalymyn retteý, memleket múddeleri men aqparat qaýipsizdigin qorǵaý jáne quqyq qorǵaý organdaryn reformalaý máselelerin qaraıtyn bolady.
«Bizdiń barlyq josparly jumystarymyz Prezıdent aıqyndaǵan zańdardy aldyn ala muqııat pysyqtaýǵa baǵyttalýy kerek», - dedi Q.Toqaev.
Konstıtýsııalyq zańnama, sot júıesi jáne quqyq qorǵaý organdary komıteti «Qazaqstan Respýblıkasy men Serbııa Respýblıkasy arasyndaǵy qylmystyq ister boıynsha quqyqtyq kómek týraly shartty ratıfıkasııalaý týraly»; «Qazaqstan Respýblıkasy men Serbııa Respýblıkasy arasyndaǵy ustap berý týraly shartty ratıfıkasııalaý týraly»; «Qazaqstan Respýblıkasy men Serbııa Respýblıkasy arasyndaǵy sottalǵan adamdardy berý týraly shartty ratıfıkasııalaý týraly» zań jobalary boıynsha bas komıtet bolyp belgilendi.
Bıýro músheleri «Orta bilim berý júıesiniń jaı-kúıi, problemalary jáne zańnamalyq retteý perspektıvalary» taqyrybyna arnalǵan parlamenttik tyńdaý ótkizýge ázirlikti talqylady. Senattyń Áleýmettik-mádenı damý jáne ǵylym komıteti uıymdastyratyn sharany 22 qyrkúıekte ótkizý josparlandy.
Bıýroda senatorlardy halyqaralyq parlamenttik uıymdarǵa jáne shet memleketter parlamentterimen yntymaqtastyq toptaryna jiberý, sondaı-aq Senattyń 2017 jylǵa arnalǵan negizgi sharalar josparyna ózgerister týraly máseleler qaraldy.
