11 qyrkúıekte Kaspıı teńiziniń jaǵalaýyn josparly tekserý kezinde Isataı aýdany Janbaı selosynda Atyraý oblystyq aýmaqtyq orman sharýashylyǵy jəne janýarlar əlemi ınspeksııasy men oblystyq IID qyzmetkerleri 15 "Baıda" zańsyz júzý quralyn anyqtady.
Qazir jergilikti atqarýshy organ qyzmetkerleri prokýratýra ókilderimen birge turǵyndar arasynda túsindirý jumystaryn júrgizýde. Atyraý oblystyq IID baspasóz qyzmeti habarlaǵandaı, anyqtalǵan júzý quraldary zańmen belgilengen tərtipte alynady.
Zańsyz balyq aýlaıtyn júzý quraldary tabylǵan balyqshylar qalashyǵynyń turǵyndaryna zańǵa səıkes əreket etý jaıy aıtylǵan bolatyn. 30 naýryzda oblystyq aýyl sharýashylyǵy basqarmasynyń basshysy Syrym Rysqalıev balyqshylar salyq organdarynda jeke kəsipker retinde tirkelip, aýlaǵan balyqtaryn ótkizý úshin óndiristik kooperatıvtermen resmı kelisim-shartqa otyrýlary kerek ekenin eskertken. Oblystyq jumyspen qamtýdy úılestirý jəne əleýmettik baǵdarlamalar basqarmasy jaǵalaýdaǵy aýyl turǵyndaryna "Brakonerlikke jol joq"atty aksııa aıasynda bos jumys oryndarynyń jərmeńkelerin ótkizdi. Jərmeńkege oblystaǵy 7 iri kompanııa qatysty, olardyń qatarynda "Bolashaq-Atyraý" JShS, "Orıon Grýpp", "Isker Konsorsıým", "KKTS" JShS, "Sıchım S.p.A.Kazahstan" kompanııasynyń fılıaly, "Denholm-Joldas" JShS, "Fırkroft Injınırıng Servısez Lımıted" kompanııasynyń fılıaly boldy. Nətıjesinde 89 adam atalǵan mekemelerge jumysqa ornalasty, 29 adam testileý synaǵynan ótpedi, 9 adam usynǵan jumystan bas tartty.
