Jobany basqarý salasyndaǵy tanymal mamandardan turatyn halyqaralyq qazylar alqasy «2017 jyldyń eń úzdik jobasy» nomınasııasynda birinshi oryndy (altyn medal) Nazarbaev ýnıversıtetine Medısına mektebi ǵımaratynyń qurylysyn salǵany úshin berdi. 2017 jyly Qazaqstan úshin biregeı jáne áleýmettik mańyzdy joba – Medısına mektebi ǵımaratynyń qurylysy aıaqtalyp, paıdalanýǵa engizildi. Ol jobalyq basqarýdyń kómegimen tabysty iske asyryldy. Medısına mektebiniń ǵımaraty sáýlet dızaınymen ǵana biregeı joba emes, sonymen qatar ıntegrasııalanǵan akademııalyq densaýlyq saqtaý júıesi shoǵyrlanǵan jer bolyp tabylady.
«Birinshi oryndy biz qurylys jobasyn iske asyrǵanymyz – áriptesterimizben birge tórt jyl boıy Medısına mektebin qurǵanymyz úshin aldyq. Bul jobany biz barlyq sanattaǵy úzdik álemdik tájirıbe men standarttar boıynsha iske asyrdyq», dep atap ótti Nazarbaev ýnıversıteti prezıdentiniń ákimshilik-qarjylyq basqarý máseleleri jónindegi konsýltanty, Qazaqstandyq jobalardy basqarý qaýymdastyǵynyń vıse-prezıdenti Maqsat Mamashev.
Sondaı-aq, Nazarbaev ýnıversıteti «Eń úzdik áleýmettik joba-2017» nomınasııasynda «Nazarbaev ýnıversıteti – kóshbasshylyq jáne Qazaqstandaǵy bilim berý reformasyn damytý» jobasy úshin ekinshi oryn (kúmis medal) ıegeri boldy.
«Egemen-aqparat»
