Oralǵa Túrkistandaǵy qoryq-mýzeı qorynan 252 jádiger ákelingen. Olardyń ishinde kóne qala ornynan tabylǵan qysh ydystar, Qoja Ahmet Iаsaýı izbasarlarynyń kitaptary, qazaq handarynyń mórli júzikteri, qazaq handarynyń hattary, shyraǵdandar, kóne tıyndar jáne Qabanbaı batyr qanjary sekildi asa qundy buıymdar bar.
Rýhanı kerýendi bastap kelgen ǵylymı qyzmetker B.Baıbolov Aq Jaıyq óńiri men kıeli shahardyń arasynda áriptestik ejelden jalǵasyp kele jatqanyn aıtyp, BQO tarıhı-ólketaný mýzeıiniń dırektory M.Ersaevqa «Áziret Sultan» qoryq-mýzeıiniń dırektory N.Ahmetjanovtyń Alǵys haty men mýzeı shyǵarǵan baspa ónimderin tabys etti.
- Túrkistan árbir qazaq balasynyń altyn besigi, ult tarıhynyń bastaý alǵan qaınar bulaǵy ǵoı. Kıeli qaladan kelgen ár jádiger oraldyqtarǵa asa qymbat, - deıdi Qazaqstan Respýblıkasy Mádenıet qaıratkeri Sara Tanabaeva.
Osy kezdesý barysynda «Áziret Sultan» qoryq-mýzeıi men Batys Qazaqstan oblystyq tarıhı-ólketaný mýzeıi arasynda memorandýmǵa qol qoıyldy.
Kórme 15 qazanǵa deıin jalǵaspaq.
Qazbek QUTTYMURATULY,
«Egemen Qazaqstan»
