Komıssııa múshesi otyrystar arasyndaǵy úziliste áleýmettik jelide Qazaqstannyń jańa Konstıtýsııasy jobasy týraly shyndyqqa janaspaıtyn aqparat men baryp turǵan feıkterdiń kóptigin baıqaǵan.
«Keıbir azamattar Komıssııanyń jumysy týraly sol Komıssııanyń otyrystaryna qatysyp júrgen menen de kóbirek «biletindeı» kórinedi», deıdi saıasattanýshy.
Onyń aıtýynsha, kez kelgen adam oqyp, tanysýy úshin qujat kópshiliktiń nazaryna usynylyp, ashyq túrde jarııalanǵannan keıin de aqparatty ádeıi burmalaý toqtamaǵan.
«Meniń oıymsha, bul endi oıyn emes, tanymal bolýǵa umtylys ta emes, naǵyz qasaqana pıǵyl», dep atap ótti Marat Shıbutov.
Spıker «jańa Konstıtýsııa jobasy saıası monopolııaǵa ákep soǵady» degen jańsaq pikirdi joqqa shyǵardy. Sebebi qujatta mundaı múmkindikke jol bermeıtin jańa ókildi ınstıtýt, ıaǵnı Halyq Keńesin qurý kózdelgen.
Jańa Konstıtýsııada qazaq tiliniń mártebesi qalaı bekitilmek?
Saıasattanýshy bul máseleni de naqty tarqatyp berdi. Qazir Qazaqstan Respýblıkasynyń Senaty 40 máslıhat ókilinen, Prezıdent kvotasy boıynsha 5 adamnan jáne Qazaqstan halqy Assambleıasynyń 5 ókilinen quralǵan.
Al Halyq Keńesine máslıhat ókilderinen bólek, qoǵamdyq keńesterdiń músheleri de engiziledi, QHA ókilderiniń sany 5-ten 42-ge kóbeıtilip, qoǵamdyq uıymdardan – 42 adam qosylady. Osylaısha, jańa saıası ınstıtýttaǵy azamattyq ókildik Qazaqstan tarıhyndaǵy eń aýqymdy deńgeıge jetkizilmek.
«Halyq Keńesi kóptegen adamdar úshin saıasatqa kelý shegin aıtarlyqtaı tómendetedi, buryn-sońdy mundaı múmkindik bolmaǵan. Bul óte mańyzdy», dedi Marat Shıbutov.
Sonymen birge ol Komıssııanyń «jabyqtyǵy» men «durys emes quramy» jónindegi aıyptaýlarǵa da jaýap berdi.
«Tikeleı efırlerdi eskersek – birinshi aıyptaý kúlkini keltiredi. Munda bizdi barlyq taraptan kameralar túsirip tur», dep atap ótti saıasattanýshy.
Sondaı-aq spıker Komıssııa quramyndaǵy 130 adamnyń 44-i – qoǵamdyq uıymdar, qoǵamdyq keńester, BAQ, bilim salasy jáne ǵylymı uıymdardyń ókilderinen quralǵanyn jetkizdi.
«Menińshe, munda pikirlerdiń barlyǵy eskerilgen», dedi Marat Shıbutov.
Baıandamasynyń negizgi taqyrybyna kóshe otyryp, saıasattanýshy Prezıdent pen Quryltaı arasyndaǵy kadrlyq ókilettikterdi bólý máselesine de toqtaldy.
Azat Perýashev: Konstıtýsııalyq reforma bılik júıesindegi teńgerimdi kúsheıtedi
Onyń aıtýynsha, jańa Konstıtýsııa jobasyna sáıkes, Quryltaı mynadaı tulǵalardy taǵaıyndaýǵa nemese kelisimin berýge quqyly: Premer-Mınıstr, Vıse-prezıdent, Konstıtýsııalyq sottyń 10 sýdıasy, Ortalyq saılaý komıssııasynyń 6 múshesi, Joǵarǵy aýdıtorlyq palatanyń 8 múshesi jáne Joǵarǵy sottyń barlyq sýdıalary.
Osylaısha Prezıdent Ortalyq saılaý komıssııasynyń 2 múshesin, Joǵarǵy aýdıtorlyq palatanyń 2 múshesin jáne Konstıtýsııalyq sottyń 4 sýdıasyn endi taǵaıyndamaıtyn bolady.
Sonymen birge Memleket basshysynyń konstıtýsııalyq organdardyń jetekshilerin – Konstıtýsııalyq sottyń, Joǵarǵy sottyń, Ortalyq saılaý komıssııasynyń jáne Joǵarǵy aýdıtorlyq palatanyń tóraǵalaryn, Adam quqyqtary jónindegi ýákildi, sondaı-aq oǵan baǵynyshty nemese esep beretin organdardyń basshylaryn taǵaıyndaý quqyǵy saqtalady.
«Mundaı júıe Prezıdent pen Quryltaı arasyndaǵy saıası ınstıtýttar retindegi tepe-teńdikti saqtaýǵa múmkindik beredi», dep atap ótti Marat Shıbutov.
