«Konstıtýsııa – memlekettiń Ata zańy. Ol mazmunyna, qurylymyna jáne baıandaý logıkasyna qatysty jalpyǵa birdeı tanylǵan halyqaralyq konstıtýsııalyq tásilderge sáıkes qalyptastyrylady», dedi Elvıra Azımova.
Sondaı-aq ol Ata Zańda memlekettik saıasatqa, qoǵamnyń damýyna qatysty negizgi qaǵıdattarmen qatar, azamattardyń quqyqtary men bostandyqtaryna beriletin kepildikter de bekitiletinin atap ótti.
Komıssııa tóraǵasy óz sózinde Konstıtýsııa normalaryn neǵurlym egjeı-tegjeıli retteý, ádette, zańdar deńgeıinde júzege asyrylatynyn aıtty. Bul – Ata zańdy ázirleýdegi jalpyǵa ortaq tájirıbe.
Elvıra Azımova Konstıtýsııa jobasynda bekitilgen ózgermeıtin qundylyqtarǵa da erekshe nazar aýdardy.
«Egemendik pen Táýelsizdik, ýnıtarlyq, aýmaqtyq tutastyq jáne respýblıkanyń basqarý nysany ózgermeıtin qundylyqtar sanatyna jatqyzylǵan», dedi ol.
Komıssııanyń kelesi otyrysynyń ótetin kúni qosymsha habarlanatyn bolady.
