Foto: Álı Ǵalym, Talǵat Tanybaev
О́z sózinde Erlan Qoshanov keıingi jyldary Prezıdent jańa memlekettik modeldi dáıekti túrde qalyptastyryp otyrǵanyn atap ótti. Ol – qýatty ekonomıkaǵa, ádildikke jáne jumys oryndaryn ashyp, ınvestısııa tartatyn, eldi alǵa jeteleıtin kásipkerlerdi naqty qoldaýǵa baǵyttalǵan. Referendýmda azamattar keńinen qoldaǵan jańa Konstıtýsııa osy baǵytty saıası ári qısyndy turǵyda bekitti. Bul rette partııa men bıznestiń ortaq maqsaty – Progressıvti ári Ádiletti Qazaqstan qurý. Sondyqtan «AMANAT» bıznes ókilderimen kúsh biriktirip, el men onyń azamattarynyń ıgiligi jolynda birlesip jumys isteýge daıyn.
«Partııanyń tájirıbesi, áleýeti jáne jumys isteýge degen umtylysy bar. Biz árdaıym Prezıdent saıasatynyń aldyńǵy shebindemiz. El tarıhyndaǵy mańyzdy kezeńderde saıası ınstıtýttardyń basyn biriktirip kelemiz. Belsendi azamattarǵa arnalǵan jumys alańdarymyz bar. Jastar qanaty men áıelder qanaty jumys isteıdi. Olar el aýmaǵynda ondaǵan myń adamdy biriktiredi. Bul – partııamyzdyń ózegin quraıtyn elektorat. Bıznes te partııany óz seriktesi retinde kórýi kerek. Bizge senim bildirip, munda olardyń daýysy estiletinine, máseleleri naqty qaralyp, sheshimin tabatynyna kóz jetkizýi qajet. Sondyqtan partııanyń jeke Kásipkerler qanatyn qurýdy usynamyn», dedi partııa Tóraǵasy.
Erlan Qoshanov partııanyń bıznespen birlesken jumysynda eleýli tájirıbe jınaqtaǵanyn atap ótti. Bul baǵytta bıznestiń múddesin júıeli qorǵaý jáne kásipkerler qaýymdastyǵymen turaqty dıalog ornatý isinde tıimdi alańǵa aınalǵan partııa janyndaǵy Úılestirý keńesi mańyzdy ról atqarady. 20-dan astam otyrys ótkizilip, onda naryqqa qol jetkizý men qarjylandyrýdan bastap, salyqtyq jáne ınfraqurylymdyq retteýge deıingi 170-ke jýyq másele qaraldy. Keńestiń tıimdi jumysyna Premer-Mınıstrdiń orynbasary – Ulttyq ekonomıka mınıstri Serik Jumanǵarınniń teń tóraǵa retinde tikeleı qatysýy yqpal etýde.
О́ńirlerde de osyndaı partııalyq keńester belsendi jumys isteıdi. Jaqyn arada keńester jergilikti bıznestiń problemalyq máseleleriniń tizilimin qalyptastyryp, ákimdikter men barlyq múddeli memlekettik organdardyń qatysýymen olardy júıeli túrde sheshýge kúsh salady. Qajet bolǵan jaǵdaıda bul máseleler respýblıkalyq deńgeıge shyǵarylady. Partııa óńirlik keńester jumysyna eń belsendi kásipkerlerdi tartatyn bolady. Aldaǵy ýaqytta olar partııanyń kadrlyq rezervine engiziledi.
«AMANAT» partııasy sondaı-aq bızneske qoldaý kórsetýdiń sıfrlyq quraldaryn kúsheıtýde. «Ashyk Amanat» analıtıkalyq platforma iske qosylady. Bul servıs elimizdegi kásipkerlerdiń problemalyq máselelerin biriktirip, partııa, Úkimet jáne bıznes qaýymdastyǵy arasyndaǵy naqty ári tıimdi dıalogtyń quralyna aınalýǵa tıis.
Erlan Qoshanov Búkilálemdik sammıtte Ulttyq ıadrolyq klaster qurý jóninde aıtty
Májilis Tóraǵasy bıznes ókilderimen belsendi jumysty Májilistegi partııa fraksııasy júrgizip otyrǵanyn atap ótti. Parlamentte kópshilik daýysqa ıe fraksııa retinde kásipkerlikti qoldaýǵa, ashyqtyqty arttyrýǵa jáne ákimshilik kedergilerdi azaıtýǵa baǵyttalǵan zańdardy jetildirip, olardyń oryndalýyn baqylaıdy. Máselen, bıznes qaýymdastyqpen jáne «Atameken» UKP-men pándik dıalog jańa Salyq, Qurylys kodeksteri, memlekettik satyp alý týraly zań jobalaryn ázirleý kezinde quryldy.
Jańa Kásipkerler qanatynyń qyzmeti aıasynda bul ózara is-qımyl júıeli túrde kúsheıtiletin bolady. Fraksııada bıznes salasyndaǵy belsendilermen turaqty baılanys ornatatyn jaýapty depýtattar bekitiledi. Olar kásipkerler bastamalaryn zańnamalyq tetikter men depýtattyq saýaldar arqyly ilgeriletip, zań jobalaryn ázirleý jónindegi jumys toptaryna bıznes ókilderin tartýmen aınalysady.
Otyrys barysynda QR Premer-Mınıstriniń orynbasary – Ulttyq ekonomıka mınıstri Serik Jumanǵarın kásipkerlerdiń ótinishterimen jumys júıeli ózgeristerge alyp kelýge tıis ekenin atap ótti. Onyń aıtýynsha, búginde basty mindeti – jekelegen máselelerge jaýap berýden erejeler men retteý deńgeıindegi sheshimderge kóshý.
Is-sharada Qazaqstannyń qaıtalama shıkizatty qaıta óńdeýshiler qaýymdastyǵynyń tóraǵasy Batyrbek Áýbákirov, «Petrocouncil» Qazaqstannyńmunaı-gaz Keńesi» Qaýymdastyǵynyń teń Tóraǵasy Serik Amanǵalıev, «ALPRIMA» JShS bas dırektory Andreı Degýnkov, «Qazaqstanınvestorlar odaǵy» Qaýymdastyǵynyń basqarma tóraǵasy Rýstam Júrsinov jáne ózge de azamattar sóz sóıledi.
Kezdesý qorytyndysy boıynsha iri bıznes pen ShOB ókilderi partııa qataryna qabyldandy. Osylaısha QR Saýda jelileri odaǵy basqarma tóraǵasynyń orynbasary Elbegı Abdıev, Qazaqstandyq salyq keńesshileri qaýymdastyǵynyń múshesi Aıjan Balakeshova jáne «Integra Construction KZ» JShS aksıoneri MútálipShahmurat «AMANAT» partııasynyń múshesi boldy. Sondaı-aq Qazaqstan IT kompanııalary Qaýymdastyǵynyń Prezıdenti, Úılestirý keńesiniń múshesi Aıymgúl Ábileva, «Energy Monitor» qoǵamdyq qorynyń atqarýshy dırektory Nurlan Jumaǵulov, «Atameken» UKP óńdeýshi ónerkásip komıtetiniń tóraǵasy Qanat Ibraev, «FarmMedIndýstrııa Qazaqstan» Qaýymdastyǵynyń Prezıdenti Rýslan Sultanov jáne «Qazaqstan elektrenergetıkasy assosıasııasy» basqarma tóraǵasy Talǵat Temirhanov partııa qataryna qosyldy.
Sonymen qatar Memleket basshysynyń alǵys hattary men partııalyq nagradalary partııa janyndaǵy Úılestirý keńesiniń múshelerine jáne bıznes-qoǵamdastyq ókilderine el damýyna qosqan úlesi úshin saltanatty túrde tabys etildi.
