«Memleket basshysy bizge bul baǵdarlamany taǵy jetildirý úshin ýaqyt berdi. Bunyń arqasynda baǵdarlamanyń jumysy tıimdi bola túsedi dep senemin. Iá, bizdiń mınıstrlik úshin, búkil Úkimet úshin «Sıfrlyq Qazaqstan» baǵdarlamasynyń mańyzy óte zor. Jyldyń basynda Memleket basshysy bul týraly aıta kele bizge tapsyrma berdi. Osy ýaqytta biz halyqaralyq konsýltanttarmen birge baǵdarlamany tyńǵylyqty zerttedik. Barlyq memlekettik organdar jumyldyryldy. Sıfrlandyrý máselesi tek Aqparat jáne kommýnıkasııalar mınıstrligine ǵana emes, aýyl sharýashylyǵy, densaýlyq saqtaý, ınvestısııalar jáne damý mınıstrligine, quqyq qorǵaý organdaryna da qatysty bolady. Premer-mınıstr baǵdarlamany jiti tanystyryp, qandaı baǵytta jumys júrgizý kerektigin aıtty. Biz baǵdarlamanyń sátti júzege asyrylýyna kúsh salýymyz kerek», deıdi Dáýren Abaev.
Al baǵdarlamanyń júzege asyrylý ýaqyty nelikten jyldyń sońyna shegerildi degen suraqqa mınıstr bylaı dep jaýap berdi:
«Elbasy erekshe mańyz bólýge turarlyq birqatar tustardy baıqap qalǵan bolýy kerek. 2-3 aılyq ýaqyt júzege asyrý turǵysynan shekti merzim emes. Bastysy - osy aralyqta baǵdarlama tolyqqandy jetildirilýi tıis», dep málimdedi mınıstr Abaev.
Sonymen qatar, baǵdarlama barysynda mınıstr 9-10 qyrkúıek aralyǵynda Astanada ótken Islam Yntymaqtastyq Uıymynyń sammıtine erekshe toqtalyp ótti. Onyń paıymdaýynsha, IYU sammıtiniń mártebesi EQYU sammıtiniń mártebesinen artyq bolmasa, kem túspeıdi.
