Álemdik keńistikke bastar jol
Qaıta jańǵyrý zamanyndaǵy barlyq ozyq tehnologııanyń úlgisi bolyp otyrǵan latyn álipbıine kóshý bul – elimiz úshin, ónerimiz ben mádenıetimiz úshin úlken rýhanı qubylys. Latyn álipbıin engizý – halqymyzdyń bilimi men mádenıeti, óneriniń damýyna taǵy bir serpilis ákeletin dara joly dep bilemin.
Respýblıka Parlamentiniń Májilisinde «Memlekettik tildiń latyn grafıkasyndaǵy álipbıiniń biryńǵaı standartyn engizý máseleleri týraly» ótken tyńdaý Parlamenttiń óz saılaýshylarynyń kóńil kúıin, elimizdiń egemendikti bekitýge degen arman-tilegin jaqsy biletinin kórsetti. Májilistiń otyrysynda «Qazaq tilin jańǵyrtýdyń basty kórsetkishi – latyn jazýyna kóshý» dep atap kórsetilip, bul qadamnyń álem qazaqtaryn biriktiretin mańyzdy faktor ekenine nazar aýdarylýy sonyń taǵy bir jarqyn dáleli.
Ulttyq ónerdiń qara shańyraǵy bola bilgen M.Áýezov teatrynyń ujymy búgingi – el bolashaǵy úshin qabyldanǵaly otyrǵan mańyzdy sheshimge qoldaý kórsetip, elimizdiń jańa álipbıge kóshýine belsendi atsalysatyn bolamyz.
Barsha qazaqstandyqtardy egemendik pen eldik jolyndaǵy betburysty qadammen shyn júrekten quttyqtaımyn. Latyn álipbıi – álemdik keńistikke enýge aparatyn jol!
Asanáli ÁShIMOV,
Qazaqstannyń Eńbek Eri,
M.Áýezov atyndaǵy Qazaq memlekettik akademııalyq drama teatrynyń kórkemdik jetekshisi
ALMATY
Bul – zaman talaby
Til – adamzat qoǵamyn qurý úshin halyqqa berilgen mańyzdy qural. Ony ózge de mehanızmder sekildi qoǵamnyń damýy úshin únemi jetildirip, jańǵyrtyp otyrý qajet. Osy oraıda álipbı tańdaý asa mańyzdy. Bul baǵyttaǵy bastamalarǵa jeńil qaraýǵa bolmaıdy.
Jalpy, meniń Qazaqstan azamaty jáne Assambleıa múshesi retinde qazaq árpin latyn álipbıine kóshirý týraly ózimniń pikirim bar.
Memleket basshysy qazaq árpin latyn álipbıine kóshirý máselesine baıyppen qarap, túrli pikirler men usynystardy saralaı kele óziniń salıqaly sheshimin aıtty. Bul qadam der kezinde, barlyq jaǵdaıattar eskerile otyryp jasaldy.
Biz latynǵa kóshý isine úlken daıyndyqpen keldik. Kóptegen sharalar atqaryldy. Qoǵamnyń pikirine basa nazar aýdaryldy. Qoǵamymyzda latynǵa kóshýdi qoldaıtyndardyń úni basym tústi. О́ıtkeni latynǵa kóshý ýaqyt talaby, zamana suranysy ekenin halyq tereń túsine bildi.
El birligin nyǵaıtý, Qazaqstan halqynyń biregeıligin damytý Assambleıanyń basty mindetteriniń biri. Osy oraıda el birligi men tatýlyǵynyń kepili Elbasy ekenin umytpaýymyz kerek.
Sóz sońynda aıtarym, Memleket basshysynyń qazaq tilin latyn álipbıine kóshirý bastamasyna barshamyz qoldaý bildirgenimiz jón. О́ıtkeni, ózimiz tańdaǵan, ózimiz senim artqan Elbasynyń árbir bastamasy halyq úshin asa mańyzdy.
Sergeı VIShNIаK,
Qazaqstan halqy Assambleıasy Tóraǵasynyń orynbasary
Úlken úmittiń ústindemiz
Elbasy Nursultan Ábishuly Nazarbaev halyqqa Joldaýynda qazaq jazýyn latyn álipbıine kóshirý týraly usynys aıtty.
Elimiz táýelsizdik alyp, tilimiz ben salt-dástúrimizdi, tarıhı qundylyqtarymyzdy endi túgendep, qazynalarymyzdy qaıtaryp jatqan tusta qazaq álipbıin latynǵa kóshirý týraly pikir aıtqan ǵalymdarymyz, saıasattanýshylarymyz boldy. Biraq ol ýaqytta kúrdeli istiń kúrmeýi kelmep edi.
Mine, búgin bul bastamany qolǵa alyp, iske kóshetin sát týyp otyr. Qazaq eliniń saıası-ekonomıkalyq, áleýmettik-mádenı, ǵylymı-aǵartýshylyq damýyn, halyqaralyq keńistiktegi ornyn, ishki jáne syrtqy jaǵdaıdy jan-jaqty eskergen Memleket basshysy qazaq zııalylarynyń aldyna úlken mindet qoıdy.
Árıne, álipbıdi qashan jáne qandaı joldarmen aýystyrý qajettigin durys qabyldaǵan jón. Álipbıdi aýystyrýǵa uzaq ýaqyt, qomaqty qarajat, sonymen qatar eń bastysy ıntellektýaldyq kúsh-jiger kerek.
Taǵy bir aıta keterlik jaıt, keıbir aǵaıyndarymyzdyń latyn álipbıine kóshýindegi oryn alǵan olqylyqtaryn qaıtalamaıtyn ońtaıly joldy qarastyrý qajet. Bolashaq urpaq eki kemeniń basyn ustamaıtyndaı, jalpyǵa jeńil, tildik ortaǵa ıkemdi bolǵany abzal. Biz osyǵan úmittimiz.
Máken ERJAN,
Soltústik Qazaqstan oblysy ákimdiginiń jastar saıasaty basqarmasynyń bólim basshysy
