Sharany elimizdiń Aýyl sharýashylyǵy mınıstrligi, «Agrarlyq nesıe korporasııasy» AQ men Agroónerkásip keshenindegi kredıttik seriktestikter qaýymdastyǵy zańdy tulǵalar birlestigi uıymdastyrdy. Forým jumysyn ashyp bergen Ońtústik Qazaqstan oblysynyń ákimi Janseıit Túımebaev búgingi sharanyń mańyzdylyǵyna toqtaldy.
«Memleket basshysy halyqqa arnaǵan joldaýynda ózara kredıtteý túrindegi qarjy men nesıe qyzmetterin usyný boıynsha tarmaqtalǵan qarjy jelisiniń asa qajet ekenin atap ótken edi. Sondaı-aq Elbasy elimizdiń Ekonomıkalyq yntymaqtastyq jáne damý uıymyna (ary qaraı - EYDU) múshe elderdiń standarttaryna kóshý qajettigin júktegin bolatyn. О́ıtkeni, aýyl sharýashylyǵy ónim óndirýshileriniń qarjylandyrýǵa qoljetimdiligi – agrarlyq sektordyń básekege qabilettiligin baǵalaýda basty ólshem bolyp tabylady. Sondyqtan búgingi sharaǵa qatysýshalarǵa alǵysymymdy bildirip, aldaǵy ýaqytta tyǵyz qarym –qatynasta jumys isteýge shaqyramyn», - dedi Janseıit Qanseıituly.
200-ge jýyq adamnyń basyn qosqan halyqaralyq forýmǵa kredıttik seriktestikter, «QazAgro» Holdıngi, «Atameken» UKP men Qazaqstan qarjygerleri qaýymdastyǵynyń ókilderi qatysty. Budan ózge, Reseı men Lıtvadan arnaıy kelgen kredıttik kooperasııa jetekshileri de bar.
Aıta keteıik, elimizdegi kredıttik seriktestikterdiń damý tarıhy sonaý 2001 jyldan bastaý alady. Kredıttik seriktestik ınstıtýty qurylǵaly beri, 16 jyl ishinde olardyń sany 187-ge jetti. Alǵash qurylǵan kezde qatysýshylardyń sany 800-den aspaǵan bolsa, qazirgi tańda kredıttik seriktestik qatysýshylarynyń sany 15 600-di qurap otyr. Osy ýaqytqa deıin nesıe seriktestikteri arqyly sharýalarǵa 241 mıllıard teńgeniń 40 myńnan astam zaımy berilgen.
Forým aıasynda «Kredıttik seriktestikterdiń damý strategııasy: qarjy ınstıtýty retinde kredıttik kooperasııanyń bolashaǵy», sondaı-aq kredıttik seriktestikter úshin servıster men qyzmetter jaıy talqylandy. Nesıelik seriktestik ókilderi ásirese Reseı jáne Lıtvadaǵy kredıttik kooperasııa ınstıtýttarynyń damý tájirıbesine qyzyǵýshylyq tanytty.
Forým aıasynda «AО́K kredıttik seriktestikter qaýymdastyǵy» zańdy tulǵalar birlestigi men Lıtvanyń kredıttik odaqtar qaýymdastyǵy arasynda yntymaqtastyq jóninde memorandýmǵa qol qoıyldy. Iаǵnı, kórshi elderdiń kooperatıvtik baýyrlastyǵy sóz júzinde emes, is júzinde iske asyp otyr. Forým sońynda úzdik kredıttik seriktestik ókilderi arnaıy dıplomdarmen marapattaldy.
