Qazaqstan Respýblıkasy Prezıdenti Ákimshiligi Ishki saıasat bóliminiń sektor meńgerýshisi Shoıkın Ǵalym Nurmaǵambetuly basqosýda din salasynda ózekti dep tanylǵan máselelerdi jıynda keńinen talqylaýmen shektelmeı, ony kópshilikke túsindirý, nasıhattaý, ótkizilgen shalalardyń basty mindeti dep sanaıdy. О́z sózinde, bizdiń eldegi dinı aýdıtorııaǵa syrtqy jaǵymsyz kúshterdiń yqpaly artqandyǵyn tilge tıek etken ol aqparattyq keńistiginiń ashyqtyǵy jáne jahandaný prosesteriniń keri ózgeristeri onyń ishinde ınternet, áleýmettik jeliler jáne basqa da baılanys quraldaryny ıdeologııalyq turǵydan basymdyq tanytyp otyrǵandyǵyn aıtty. Ásirese, bul kórinis din salasynda aıqyn ańǵarylady.
«Búgingi tańda ózderin ateıst nemese agnostık dep sanaıtyndar 10%-dy qurap otyr. Al shamamen 75% halyq ózderin dinge senetinderin biraq, jamaǵatpen júıeli túrde dinı rásimderdi jasamaıtyndyqtaryn aıtqan. Dinge senip, barlyq dinı rásimderdi únemi oryndaıtyndar 16%-dy qurap otyr. Eldegi dinshildik deńgeıiniń ósýi, radıkaldy ıdeologııanyń keńinen qanat jaıýyna múmkindik beredi», dedi Ǵalym Nurmaǵambetuly. Onyń aıtýynsha, dinı saýatsyzdyqdyń týyndaýyna eń aldymen, dinı bilim – jan-jaqty tárbıe men jáne de saıası saýattylyq da qajet.
«Memleket azamattardyń quqyqtyq ar-ojdan bostandyǵyn qamtamasyz etip, elimizde tirkelgen dinı birlestikterdiń alańsyz jumys isteýi úshin qolaıly jaǵdaı jasap otyr. Osy rette, Elbasynyń Jarlyǵymen ázirlenip, bekitilgen, asa mańyzdy strategııalyq qujat sanalatyn Qazaqstan Respýblıkasynyń din salasyndaǵy memlekettik saıasatynyń 2017-2020 jyldarǵa arnalǵan Tujyrymdamasyn jasaldy. Bul qujat – memleket pen din arasyndaǵy júıeni qalyptastyryp, qarym-qatynastar pen kózqarastardy aıqyndaıdy. Sonymen qatar, dinniń qoǵam aldyndaǵy, ómirdegi rolin belgilep bermek, ̶ dedi QR Prezıdenti Ákimshiligi Ishki saıasat bóliminiń sektor meńgerýshisi. Onyń sózinshe, Tujyrymdamada bekitilgendeı, kanondyq jáne dinı máselelerge memleket aralaspaıdy. Biraq, zańnyń qatań saqtalýyn qadaǵalaıdy.
Budan bólek, aqparattyq-túsindirý tobynyń músheleri dástúrli emes dinı aǵymdardyń jaqtaýshylarymen turaqty túsindirý jumystaryn jalǵastyrý kerektigin atap ótti. Mundaı jumystar óz kezeginde Respýblıka aýmaǵy boıynsha óz tıimdiligin kórsetip otyr. ShQO-da О́skemen qalasyndaǵy Ortalyq meshitte, Semeı qalasyndaǵy- «Bir munaraly Tas meshit» jáne de «Tynybaıda» ótken kezdesýler men basqosýlar osyǵan mysal bola alady. Sondaı-aq, osyndaı kezdesýler túzetý mekemelerindegi sottalǵandarmen onyń ishinde dástúrli emes dinı aǵymdardyń jaqtaýshylarymen de bolyp ótti.
Delegasııa quramynda Qazaqstan Respýblıkasy Prezıdenti Ákimshiligi, Din isteri komıtetiniń mádenıet jáne din Halyqaralyq ortalyǵy, Ǵylymı-zertteý jáne taldaý ortalyǵynyń músheleri, sarapshy-teolog mamandar, qoǵamdyq uıymdardyń músheleri bar.
