Bıylǵy festıvalge qatysýshylar «Vokal», «Horeografııa», «Kórkem sóz» jáne «Beıneleý óneri» atalymdary boıynsha óner kórsetedi. 7-17 jas aralyǵyndaǵy balalar men jasóspirimder 23 qazanǵa deıin baıqaýǵa qatysýǵa ótinish bere alady. Bul úshin «Jastar» saraıynyń www.zhastarastana.kz saıtynan ótinish úlgisin júktep alýǵa jáne baıqaý erejesimen tanysýǵa bolady.
«Jastar» saraıy jyl saıyn uıymdastyratyn «Balbóbek» festıvali astanalyqtardan ǵana ótinish qabyldamaıdy, oǵan elimizdiń túkpir-túkpirindegi jas daryndar qatysa alady. Baıqaýǵa qatysýshylardy bilikti qazylar alqasy baǵalaıdy. Ádildik úshin olardyń quramy festıvaldiń ashylý saltanatynda jarııalanady.
Úsh kúnge jalǵasatyn festıval jeńimpazdary 31 qazanda baıqaýdyń gala-konsertinde anyqtalady.
