Endi mine, sol másele sheshildi. Qazaqstan Respýblıkasynyń basshysy N.Nazarbaev pen Reseı Federasııasynyń basshysy V.Pýtınniń byltyr bolǵan kezdesýi kezinde qol qoıǵan kelisimine sáıkes 2017 jyldyń 26 qyrkúıeginen, ıaǵnı búginnen bastap «Astana-Oral» jáne «Almaty-Oral» baǵytyndaǵy alǵashqy «Tulpar-Talgo» tıpinde jasaqtalǵan júrdek jolaýshylar poıyzy jolǵa shyqty.
«Astana-Oral» baǵytyndaǵy poıyz «Astana-Nurly-jol» beketinen 26 qyrkúıek kúni saǵat 11:33-te (Astana ýaqyty) shyǵyp, Oral qalasynyń temirjol beketine 27-shi qyrkúıek kúni saǵat 11:42-de (jergilikti ýaqyt) kelip toqtaıdy.
Al «Almaty-Oral» baǵytyndaǵy poıyz «Almaty-2» beketinen 26 qyrkúıek kúni saǵat 20:17-de (Astana ýaqyty) qozǵalyp, Oral qalasynyń temirjol beketine 28 qyrkúıek kúni 09:37-de (jergilikti ýaqyt) toqtaıdy.
«Oral-Astana» baǵytyndaǵy poıyzdyń júrý uzaqtyǵy 26 saǵat 14 mınýtty qurap, 14 saǵat 33 mınýtqa qysqarady. Al «Oral-Almaty» baǵytyndaǵy poıyzdyń júrý uzaqtyǵy 37 saǵat 11 mınýtty qurap, 22 saǵat 29 mınýtqa qysqarady. «Saratov-Almaty» baǵytyndaǵy poıyzdyń júrý uzaqtyǵy 40 saǵat 47 mınýtty qurap, 10 saǵat 9 mınýtqa qysqarady.
«Oral-Astana» baǵytyndaǵy poıyz taq kúnderi, «Oral-Almaty» baǵytyndaǵy poıyz jup kúnderi júredi.
Jolaýshylar bıletiniń baǵasy: «Oral-Astana» – 9 102 teńge (kýpe), 17 623 teńge (lıýks), «Oral-Almaty» – 16 232 teńge (kýpe).
Ár poıyz 27 vagonnan turady. Onyń 22-si jolaýshylar, 2-ýi meıramhana, 3-ýi qyzmet vagony.
Aıta ketý kerek, jolaýshylar tasymalynyń tıimdiligin arttyrý maqsatynda Reseı men Qazaqstannyń memlekettik shekaralarynan ótý kezindegi tekserister alyp tastaldy.
Ras, bılet baǵasy sál qymbattaǵany baıqalady. Alaıda «eń qymbat nárse – ýaqyt» degen zamanda alysty jaqyndatyp, ýaqytty únemdeıtin bul jańalyqty oraldyqtar qýana qabyldap jatyr.
Qazbek QUTTYMURATULY
«Egemen Qazaqstan»
