Aldymen Túrkistan qalasynda bolǵan Premer-Mınıstr tek qalada ǵana emes, kórshiles aýdandarda da tabysty jumys istep jatqan «Iаssy nan» zaýytynda jáne Qoja Ahmet Iаsaýı atyndaǵy Halyqaralyq qazaq-túrik ýnıversıtetinde boldy.
Túrkistannyń shyǵys bóliginde ornalasqan, «Nurly jer» baǵdarlamasymen salynǵan «Otyrar» shaǵyn aýdanyna bardy. Munda qala ákimi Álipbek О́serbaev «Aımaqtardy damytý» baǵdarlamasynyń qalaı oryndalyp jatqandyǵy jaıynda baıandap berdi.
Shymkent qalasynda kásipkerlermen keńes barysynda qatysýshylar memlekettik satyp alýlardaǵy jergilikti qamtý úlesin arttyrý, Shymkent qalasynda halyqaralyq áýejaıdyń jańa jolaýshylar termınalyn jańǵyrtý jáne salý, sýmen qamtý júıesin qalpyna keltirý, ósimdik sharýashylyǵyn sýbsıdııalaý, otandyq taýarlardy eksporttaý kezinde kezdesetin kedergilerdi alyp tastaý, AО́K-ti jeńildikti nesıelendirý, oblystyń ekonomıka salalaryn sıfrlandyrýǵa qatysýy, jańa eksport saıasatyn ázirleý máselelerin talqylady.
Bul taqyrypta «Atameken» UKP basqarma tóraǵasy Abylaı Myrzahmetov, «Karlskrona LC AB» JShS bas dırektory Ýálıhan Ahmetov, «SCAT» AQ prezıdenti Vladımır Denısov, «Qaınar maı» JShS prezıdenti Halı Sarmanov, «Vızıt» ASSZ JShS bas dırektory Velkım Zlavdınov, Kásipkerler palatasy О́ńirlik keńesiniń tóraǵasy Qaınar Abasov, «Steklo ı K» AT-tobynyń jetekshisi Iýldashev Hondamır sóz sóıledi.
Osy máselelerge baılanysty Ulttyq ekonomıka mınıstri T.Súleımenov, Investısııalar jáne damý vıse-mınıstri R.Sklıar, Aýyl sharýashylyǵynyń birinshi vıse-mınıstri Q.Aıtýǵanov, oblys ákimi J.Túımebaev túsinikteme berdi.
Shymkenttegi «Kórme» ortalyǵynda Qazaqstan Respýblıkasynyń Premer-Mınıstri Baqytjan Saǵyntaevtyń tóraǵalyǵymen týrızm jáne kásipkerlik salalarynyń damýy máseleleri boıynsha jıyn ótti.
Keńeske elimizdiń birqatar mınıstrleri men Astana jáne Almaty qalalarynyń, oblys ákimderiniń orynbasarlary, aýdan, qala ákimderi men basqarma jetekshileri qatysty.
Kezdesýde Premer-Mınıstr sapar mánisiniń Elbasy tapsyrmalarynyń óńirde qalaı oryndalyp jatqandyǵyn baqylaý, túıindi máselelerdi birlesip sheshý ekendigin aıtty.
– Jalpy, Ońtústik halqy eńbekqorlyǵymen erekshelenedi, – dedi Baqytjan Saǵyntaev. – Olarǵa bylaı iste dep úıretýdiń qajeti joq, memleket tarapynan jetkilikti kómek bolsa, ózderi sharýany dóńgeletip alyp ketedi.
Oblysta baý-baqsha sharýashylyǵy óte jaqsy damyp keledi. Onyń keleshegi zor ekendigin álemdik mysaldardan bilemiz. Biz dúnıe júzine baý-baqsha ónimderin shyǵaryp otyrǵan Polsha kásipkerlerimen kezdeskenimizde olar memlekettik kómektiń arqasynda eńse tiktep, jaqsy suryptardy dúnıe júzine taratyp jatqandyǵyn aıtty. Memlekettik kómek Úkimetke olar tólegen salyqtar esebinen mol kólemde qaıtyp jatyr. Bizdiń sharýalar da osyndaı múmkindikke ıe bolyp keledi. Úkimet olarǵa tıisinshe qoldaý kórsetedi.
Osylaı dep dıhandardyń kóńilin bir toǵaıtqan Premer-Mınıstr memlekettik baǵdarlamalardyń oryndalý barysyna taldaý jasady.
– Ońtústikte halyq kóp, jer kólemi az. Al soltústik oblystarda jer qory kóp bolǵanymen, eńbek resýrsy jetkilikti emes. Sondyqtan jaǵdaıy kelisken sharýaǵa jaıly jerlerge kóshýdi odan ári qolǵa alý kerek. Osy jer ata-babamnyń qonysy deıtin emes, qazaqtyń bar dalasy qazaqtyń urpaǵynyki. Qazaqstannyń qaı túkpirine barsańyzdar da óz jerlerińiz, degen Premer-Mınıstr kóship barǵan otbasylarǵa jer berý, baspana jáne jumyspen qamtamasyz etý jaǵdaıyn qozǵady.
Jıynda Ońtústik Qazaqstan oblysynyń ákimi Janseıit Túımebaev týrızm jáne kásipkerlik salalarynda atqarylǵan jumystar jaıyn baıandady. Memleket basshysynyń saıasaty arqasynda oblystyń damýy úshin barlyq múmkindikter jasalyp jatqanyn aıtqan aımaq basshysy óńir halqynyń turmys-tirshiligin jaqsartý úshin alǵa qoıǵan mindetter oryndalýda dep málimdedi.
– Oblysymyzda ındýstrııalyq-ınnovasııalyq damý baǵdarlamasy sátti júrgizilýde. Baǵdarlama aıasynda jalpy quny 208 mlrd teńgege 162 joba iske asyrylyp, 9,5 myń jańa jumys orny ashyldy. Onyń ishinde 2017 jyly 5 joba iske qosylyp, 2,3 mlrd teńge ınvestısııa tartyldy. Búgingi tańda iske qosylǵan jobalardyń 94 paıyzy josparlyq qýattylyqty ıgerip, 71 mlrd teńgeniń ónimin óndirdi. Elbasynyń aýyl sharýashylyǵyn ekonomıkalyq damýdyń jańa draıverine aınaldyrý jónindegi tapsyrmasyn oryndaý nátıjesinde ónim kólemi ótken jyldyń tıisti kezeńimen salystyrǵanda 1,9 paıyzǵa artyp, 257,4 mlrd teńgeni qurady. Qazirgi kezde oblysta qolaıly bıznes klımatty qalyptastyrý jáne kásipkerlik bastamalardy iske asyrý úshin barynsha jaǵdaı jasalýda, – dedi óńir basshysy.
Oblysta «Agroónerkásip keshenin damytýdyń» memlekettik baǵdarlamasynyń talaptaryna sáıkes keletin 158 kooperatıv ashylǵan. Aýyl sharýashylyǵy salasyna baǵyttalǵan ınvestısııa kólemi 21,8 mlrd teńgeni qurap, ótken jyldyń tıisti kezeńimen salystyrǵanda 5,5 esege artqan.
Ońtústik Qazaqstan oblysynda týrıstik salanyń da turaqty damyp kele jatyr. Búginde týrıstik nysandar sany 195 birlikti qurap, tıisinshe 31 paıyzǵa ósken. Munda kórsetilgen qyzmet kólemi 1,7 mlrd teńgeni qurap, 43 paıyzǵa artqany baıqalady. Bıyl oblysqa 128 myń týrıst kelip, ótken jyldyń tıisti kezeńimen salystyrǵanda 55,3 paıyzǵa kóbeıgen.
Jıynda salalyq mınıstrlerge jáne «Atameken» UQP basqarma tóraǵasyna, Qostanaı, Shyǵys Qazaqstan, Pavlodar, Soltústik Qazaqstan oblystarynan kelgen ókilderge sóz berildi. Atqarylyp jatqan jumystar tarazylandy.
– Biz Ońtústikke kelgende buryn táp-táýir ashylǵanymen sońynan qıyndyqqa ushyraǵan kásiporyndarda bolyp, ondaǵy jaǵdaıdyń ońalǵanyna kýá boldyq, – dedi Premer-Mınıstr qorytyndy sózinde. – Kásiporyndar – Qazaqstannyń keleshegi. Kásipkerlikke keń óris ashylady. Elbasy Úkimetke osy jaǵyn nyqtap tapsyryp otyr. О́zekti máselelerdi sheshýde bılik tarapynan batyl sheshim kútiledi. Biz ony jasaımyz.
Kezdesýler barysyn qorytyndylaǵan Premer-Mınıstr alǵa qoıǵan mindetterdi múltiksiz oryndaýdyń mańyzyn taǵy bir márte eske saldy.
Baqtııar TAIJAN,
«Egemen Qazaqstan»
Ońtústik Qazaqstan oblysy
