«Búgin QR Investısııalar jáne damý vıse-mınıstri Roman Sklıar basshylyǵymen komıssııa músheleri avıasııalyq oqıǵa oryn alǵan jerge attandy. Oqıǵanyń anyq-qanyǵy jaqyn arada belgili bolady» delingen mınıstrlik habarlamasynda. Sondaı-aq, Investısııalar jáne damý mınıstri Jeńis Qasymbek áýe apatynan qaza tapqan ekıpaj músheleri - áýe kemesiniń komandıri Gennadıı Soı, ekinshi pılot Evgenıı Kýtafın, avıatehnık Beıshıbek Ahmatbaev, Akýsherııa, gınekologııa jáne perınatalogııa ǵylymı ortalyǵynyń professory, dáriger akýsher-gınekolog Patsaev Talǵat Anapıuly men Kardıologııa jáne ishki aýrýlar ǵylymı-zertteý ınstıtýtynyń reanımatolog dárigeri Artyqbaev Jánibek Túkenulynyń jaqyndary men týystaryna qaıǵyryp kóńil aıtatyndyǵyn jetkizdi.
3 qazan kúni Almaty-Shymkent baǵytynda sanıtarlyq avıareısin oryndaǵan «AN-28» ushaǵy saǵat 18:47-de Almatydan 28 shaqyrym qashyqtyqta rodardan joǵalyp ketti. Sosyn saǵat 19.15-te ushaq Almaty oblysy Ile aýdanynyń Mejdýrechınsk aýyly mańynda apatqa ushyrap, órtengeni habarlandy. Bortta bolǵan 5 adam qaza boldy.
