Ońtústik Qazaqstan oblysy Shardara aýdandyq bilim bóliminiń uıymdastyrýymen B.Soqpaqbaev atyndaǵy jalpy orta mektebinde «Ustaz – uly tulǵa», «Máńgilik el – mártebeli til» jáne «Qarttarym – qazynam» taqyryptarynda ereksheleý kesh ótken bolatyn. Ereksheleý deıtinimiz, kesh qazaq, orys, aǵylshyn tilderinde júrgizilip, balabaqsha búldirshinderi men mekteptiń ónerli oqýshylary úsh tilde konserttik qoıylymdar qoıdy.
– Elbasy Nursultan Nazarbaev «Bolashaqqa baǵdar: rýhanı jańǵyrý» maqalasynda ulttyń tabysty bolýy onyń tabıǵı baılyǵymen emes, adamdarynyń básekelik qabiletimen aıqyndalatynyn aıta kele, árbir qazaqstandyq, sol arqyly tutas ult HHI ǵasyrǵa laıyqty qasıetterge ıe bolýy kerektigin atap ótti. Kompıýterlik saýattylyq, shet tilderin bilý, mádenı ashyqtyq sııaqty faktorlardy árkimniń alǵa basýyna sózsiz qajetti alǵysharttardyń sanatynda atady. Iаǵnı Elbasy eńbeginde aıtylǵandaı, «Úsh tuǵyrly til» baǵdarlamasy qazaqstandyqtardy HHI ǵasyrdyń talaptaryna daıarlaýdyń qamy. Úsh tildi bilý búgingi kúnniń basty talabyna aınalyp otyr. Sondyqtan biz de osyndaı is-sharalar arqyly búgingi býyndy tilderdi meńgerýge yntalandyra otyryp, ata-analarǵa mektep oqýshylarynyń úsh tildi qalaı meńgerip jatqanyn ańǵartqymyz keldi, – deıdi aýdandyq bilim bóliminiń basshysy Aqshagúl Berdalıeva.
Bolatbek Qystaýov tizgin ustaǵan aýdanda ótken jyly eki bilim berý mekemesine 200 oryndyq qosymsha oqý korpýstary salynsa, bıyl Alataý batyr aýylynda 900 oryndyq jańa mekteptiń qurylysy aıaqtalýǵa jaqyn.
Ǵalymjan ELShIBAI,
«Egemen Qazaqstan»
