Oǵan álemniń 32 elinen 300-ge jýyq aýylsharýashylyq kompanııasy jınaldy. Bıyl segizinshi ret ótip jatqan aıtýly sharanyń aıasy jyldan jylǵa keńeıip keledi. Aýyl sharýashylyǵy mınıstrligi, Astana qalasy ákimdigi men «QazAgro» ulttyq basqarýshy holdıngi» AQ-tyń resmı qoldaýymen júzege asqan kórmeni «ExpoGroup» halyqaralyq kórme kompanııasy uıymdastyrýda.
Úsh kúnge jalǵasatyn kórmeniń aýmaǵy 14 000 sharshy metrdi alyp jatyr. Bul jıyn eń aldymen elimizdiń mal jáne aýylsharýashylyq ónimderin óndirýde negizgi qozǵaýshy kúsh bolmaq. Sharanyń ashylý saltanatynda Aýyl sharýashylyǵy vıse-mınıstri Erlan Nysanbaev Premer-Mınıstrdiń orynbasary – Aýyl sharýashylyǵy mınıstri Asqar Myrzahmetovtiń quttyqtaý sózin jetkizip, kórmege qatysýshylarǵa sáttilik tiledi.
«Agrarlyq sala – Qazaqstandaǵy jetekshi salalardyń biri. Ol elimizdiń ekonomıkalyq qaýipsizdigin qamtamasyz etýde úlken ról atqarady. Memleket basshysy Nursultan Nazarbaevtyń bastamasymen qabyldanǵan osy salany damytýdyń 2017-2021 jyldarǵa arnalǵan baǵdarlamasy otandyq óndirýshilerdi qoldaýdyń basty qujaty bolyp otyr. Bul joba boıynsha búgingi halyqaralyq kórmeniń otandyq taýar óndirýshilerge bereri mol dep sanaımyn. Taýar aınalymy órisiniń keńeıýi men óndirister arasyndaǵy áriptestik baılanystyń damýy sonyń aıǵaǵy bolady degenge senemin», dedi Erlan Nysanbaev.
Vıse-mınıstrdiń sózinshe, elimizde agroónerkásiptik keshendi damytý memlekettik baǵdarlamasy aıasynda ımportty almastyrý baǵyty aıqyndalǵan.
Osy baǵdarlamanyń negizgi mindetteriniń biri básekege qabiletti ónimniń otandyq óndirýshilerin qoldaý bolyp tabylady. Osy aspektide «KazAgro-2017», «KazFarm-2017» kórmesi otandyq agrobıznestiń sheteldermen yntymaqtastyqty keńeıtýge, saýda-ekonomıkalyq qatynastardy damytýǵa, áriptestik ornatýǵa daıyndyǵy týraly Qazaqstan Respýblıkasynyń áleýetinen habardar etedi. «Taıaýda Parlament Májilisinde «Jol kartasy» tanystyryldy, ol arqyly jaqyn aradaǵy otandyq tehnıkany shyǵarýdyń tehnıkalyq agregaty men aýylsharýashylyq kólikteri parkin anyqtaıdy. Memlekettik qoldaý da qarastyrylatyn bolady. Biz aýqymdy istiń aldynda turmyz. Búginde otandyq mashına jasaýdy damytýsyz aýylsharýashylyǵyn óristetý áleýeti tómen bolmaq», dedi E.Nysanbaev.
Alys-jaqyn shetelderden jáne otandyq taýar óndirýshilerden quralǵan barlyǵy 300-den astam kompanııa Astanadaǵy «Kórme» ortalyǵynda úsh kún boıy túrli sharalardy, kelisimsharttar men bıznes josparlardy, tájirıbe almasýlar men kelissózderdi talqylaıtyn bolady.
Kórmege qatysýǵa arnaıy kelgen Qatar memleketi mýnısıpalıtet jáne qorshaǵan ortany qorǵaý mınıstriniń orynbasary Faleh bın Naser ál-Tanı bıyl bul kórmege alǵash ret qatysqandaryn, degenmen, aýylsharýashylyq taýaryn óndirý Qatar úshin jat emestigin áńgimeledi. «Biz Qazaqstanmen eki aradaǵy burynnan jalǵasyp kele jatqan ózara tıimdi yntymaqtastyqty jetildire túsemiz. Osy kórme barysynda biz eń ozyq tájirıbeler men aýyl sharýashylyǵy salasyndaǵy sońǵy úlgidegi jańa tehnologııalarmen tanysatyn bolamyz», dedi Faleh bın Naser ál-Tanı.
Kórmede aýyl sharýashylyǵy men tamaq ónerkásibi salasyndaǵy jetistikter, sondaı-aq mal sharýashylyǵyndaǵy ınnovasııalar usynylady. Jyl saıynǵy ártúrli elderdiń ulttyq stendteriniń qataryn bıyl Ispanııanyń jáne Reseı Federasııasynyń Túmen oblysy Saýda-ónerkásiptik palatasynyń stendteri tolyqtyrǵan. Negizgi pavılondy «Aýylsharýashylyq tehnıkasy, jabdyq jáne ilespe taýarlar» blogy alǵan.
Munda tehnıkanyń stasıonarlyq jáne jeke kórsetilimderi, sondaı-aq aýylsharýashylyq klasterleriniń kórmesi ótýde. «О́simdik jáne kókónis sharýashylyqtary» blogynda kompanııalar ósimdikter seleksııasynyń ádisterin, eń jańa tehnologııalaryn, sondaı-aq ósimdik suryptaryn usynǵan.
«Mal sharýashylyǵy» bóliminde Qazaqstanda ósiriletin asyl tuqymdy iri qara mal túrlerimen tanysýǵa bolady.
Ashat RAIQUL,
«Egemen Qazaqstan»
Sýretterdi túsirgen
Erlan OMAR,
«Egemen Qazaqstan»
