Tekserý kezinde oblys əkimi orman sharýashylyǵy men janýarlar dúnıesi aýmaqtyq ınspeksııasynyń beketin, Jaıyq ózenindegi shekara qyzmetin aralady. О́ńir basshysyn materıaldyq-tehnıkalyq bazanyń jaǵdaıy, zańsyz balyq aýlaýshylarǵa qarsy kúsh qurylymdarynyń qoldanatyn ədisteri qyzyqtyrdy.
Oblystyq orman sharýashylyǵy jəne janýarlar dúnıesi aýmaqtyq ınspeksııasynyń beketin teksergen Nurlan Noǵaev barlyq memlekettik organdar birlesip jumys istegen kezde Kaspıı teńizi, Jaıyq, Qıǵash ózenderiniń jaǵalalaýlaryndaǵy, Atyraý oblysynyń basqa da sý aıdyndaryndaǵy brakonerlikti joıýǵa bolatynyn aıtty.
Oblystyq orman sharýashylyǵy jəne janýarlar dúnıesi aýmaqtyq ınspeksııasy nyń basshysy Danııar Baımaǵambetovtiń aıtýynsha, 2017 jyldyń 15 qyrkúıeginen bastap aımaqta zańsyz balyq aýlaýdyń aldyn alýǵa baǵyttalǵan jedel top jumysyn bastaǵan. Kúsh qurylymdarynyń ókilderinen qurylǵan top osy ýaqyt aralyǵynda balyq qorǵaý zańnamasyn buzǵan 249 faktini anyqtady. 332 balyq aýlaý quraly, 2 tonna 648 kg balyq, 26 júzý jəne kólik quraly, 33 brakonerlik qaıyq tərkilendi.
Reıd barysynda Nurlan Noǵaev Jaıyq ózeniniń ýchaskelerindegi balyq aýlaýshy kooperatıvterdiń jumystarymen de tanysty.
Balyq aýlaýshy kooperatıvterdiń qyzmetkerleri brakonerlermen kúres sharalary tıimdiligin kórsetkenin aıtady. Balyq qory molaıǵan.
Atyraý oblysynyń əkimi balyq qoryn saqtaý məselesi memleket saıasatynyń mańyzdy baǵyttarynyń biri ekenin, sý marjandarynyń joıylyp ketý qaýpin zańsyz balyq aýlaýshylardyń arttyryp otyrǵanyn aıtty. Reıd qortyndysy boıynsha aımaq basshysy kúsh qurylymdary men memlekettik organdar basshylaryna naqty tapsyrmalar berdi.
Baqytgúl Babash,
"Egemen Qazaqstan"
