Qalanyń kez kelgen turǵyny osy jerge kelip, jaǵdaıy tómen nemese úısiz-kúısiz júrgen jandarǵa azyq-túlik qaldyrýyna bolady. «Búgin úıge azyq-túlik satyp aldym, sonsha mólsherdegi azyq-túlikti «qaıyrymdylyq sóresine» qaldyrýdy jón dep uıǵardym. Bizdiń maqsatymyz – qoǵamnyń nazaryn aınalamyzdaǵy meıirimge, járdemge muqtaj adamdarǵa aýdarý, qıyndyq kórip júrgen jandarǵa qol ushyn sozý. Eger bul aksııa halyq arasynda keń qoldaý tapsa, mundaı sóreler qalanyń barlyq dúkenderinde paıda bolady», - deıdi ıgi jobaǵa birinshi bolyp óz úlesin qosqan qala ákimi Qýat Tumabaev.
Shahar jurtshylyǵy qaıyrymdylyqqa, meıirimdilikke shaqyratyn sharany jyly qabyldaǵan syńaıly. Bes balanyń anasy Ásem Tileýberdıeva bul aksııanyń ásirese kópbalaly otbasylarǵa birshama járdem bolatynyn aıtady. «Dúkenge kelip, tańdanyp turǵan jaıym bar. Kúnbaǵys maıy men qumyqty tegin aldym desem de bolady. Munyń ózi ájeptáýir kómek qoı. Balalarǵa kıim satyp alsań, azyq-túlikke aqshań da qalmaıdy. Sondyqtan osyndaı sórelerdi qalanyń ár jerinde ashyp qoısa da, artyq bolmaıdy dep oılaımyn», - deıdi ol.
Azamat QASYM,
«Egemen Qazaqstan»
О́SKEMEN
