Atap aıtqanda, kórnekti ǵalym Ábdýálı Qaıdardyń «Uıǵyr tili leksıkasynyń damýy» jáne «Qazirgi uıǵyr ádebı tiliniń damýy», áıgili túrkitanýshy Ámir Nájiptiń «HIV ǵasyr túrki tilderiniń tarıhı-salystyrmaly sózdigi. Qutyptyń Qusraý-Shyryn eńbegi negizinde» atty 4 tomdyǵy jáne de «Joıylý qaýpindegi túrki tilderi» atty 4 tomdyq ǵylymı basylym qalyń oqyrman nazaryna usynyldy.
Akademık Á.Qaıdardyń eńbekterinde uıǵyr ádebı tiliniń damý zańdylyqtary zertteledi. Uıǵyr tiliniń dıalektologııasy, zamanaýı uıǵyr tiliniń qalyptasý kezeńderi men leksıka-grammatıkalyq damý erekshelirkteri sekildi máseleler jan-jaqty qarastyrylady.
Osy oraıda álemdik túrkologııa ǵylymy úshin qundy sanalatyn Ámir Nájip sózdiginiń tolyq nusqada tuńǵysh ret jarııalanyp otyrǵanyn aıta ketken jón. О́kinishke qaraı, ǵalymnyń kózi tirisinde atalǵan eńbektiń birinshi tomy ǵana 1979 jyly Máskeýde jaryqqa shyǵyp, qalǵan tomdary basylmaı, toqtap qalady. Túrki akademııasy sol ǵylymı murany Á.Nájiptiń shákirti Á.Qaıdarǵa amanattaǵan qoljazbasy negizinde alǵash ret jarııalap otyr.
Oqyrmanǵa tanystyrylǵan kelesi basylym - 36 elden 300-den asa ǵalymnyń qatysýymen júzege asqan «Joıylý qaýpindegi túrki tilderi» atty 4 tomdyq ǵylymı eńbek. Akademııa ǵylymı ortada joǵary baǵalanǵan atalǵan kóptomdyqtyń tanystyrylymyn buǵan deıin Ankara men Astana qalalarynda ótkizgen bolatyn.
Ǵylym ordasynda ótken sharaǵa belgili qoǵam jáne mádenıet qaıratkerleri, kórnekti ǵalymdar men zııaly qaýym ókilderi qatysty.
Aıta keteıik, basylymdardyń tanystyrylymy Akademııa uıymdastyrǵan «Rýhanı jańǵyrý: tulǵalar taǵylymy» atty dóńgelek ústel aıasynda ótti.
