AZIADAǴA AZ ÝAQYT QALDY...

2011 jylǵy ÚII-shi qysqy Azııa oıyndaryn ótkizýge daıyndyq barysy qalaı? “Nur Otan” HDP-nyń Almaty qalalyq fılıaly men Almaty qalasy boıynsha “2011 jylǵy ÚII-shi qysqy Azııa oıyndarynyń dıreksııasy” uıymdastyrýymen osy mańyzdy sporttyq sharaǵa ázirlik barysy týraly turǵyndardy aqparattandyrý maqsatynda qoǵamdyq tyńdaý ótti. Jıynda bul týraly Azııa qurly­ǵynyń jetinshi qysqy oıyn­darynyń Almaty qalasy boıynsha “2011 jylǵy qysqy Azııa oıyn­dary dıreksııasynyń” dırektory Sultanmahmut Shoqpytov baıandama jasap, tolyq aqpar berdi. Onyń aıtýynsha, Azıadany 2011 jyldyń 30 qańtarynan 6 aqpan aralyǵynda ótkizý josparlanǵan. Oǵan 30-dan astam eldiń sportshylary qatys­paq. Qazirgi kezde atalmysh jarys­tyń baǵdarlamasy qabyldanyp, oǵan shańǵy men konkı jarysy, shaıbaly hokkeı, taǵy basqa da 11 sporttyq oıyn túrleri kirmek. Bir aıta keterligi, atalmysh dırek­sııa aq Azıadanyń alaýy tutanǵansha bul dodany nasıhattaý maqsatynda túrli jarystar men aksııalar uıymdastyrýdy bastap ta jiberipti. Máselen, “Azıadaǵa – bir jyl qaldy!” devızimen ótken senbi kúni jalpyqalalyq sport sharalary ótkizildi. Bul kúni al­matylyqtar úshin taý shatqa­lyn­daǵy “Medeý” jáne qaladaǵy bes muz aıdyny osy aksııa uıǵary­my­men tegin jumys istedi. Aıdyn­dar­dyń ereksheligi, olardyń barlyǵy Azıada-2011 stıline saı bezen­diril­gen. Al Respýblıka saraıynda WAFC versııasy boıynsha pankra­tıon­­nan halyqaralyq týrnır tabysty ótti. Sondaı-aq, qaladaǵy  Sport, týrızm jáne Jastar saıa­saty isi jónindegi basqar­ma­lardyń birlesýimen de birneshe is-sharalar uıymdastyrylyp, Almatydaǵy  joǵary oqý oryndarynda stýdent­terdiń ýnıversıtetaralyq qysqy spartakıadasy, voleıbol men ulttyq oıyndardan túrli jarys­tardyq qorytyndysy shyǵa­ryldy. Al jeksenbi kúni ótken “Dene shynyqtyrý men sportty damytý­dyń 2007-2011 jyldarǵa arnalǵan qalalyq baǵdarlamasy” aıasynda Qyrǵaýyl aýylynyń taý bókterin­de 21-shi dástúrli sporttyq “Qys-2010” festıvali almatylyq­tar kóńilinen shyqty. Jaqyn arada Balýan Sholaq atyndaǵy sport saraıynyń aldynda aq Azıadaǵa arnalǵan bılbord ornatylyp, oǵan qosymsha aq Olımpıadaǵa qansha kún qalǵandyǵyn kórsetip otyra­tyn elektrondy tablo qoıylmaq. – Elbasynyń “Jańa onjyl­dyq – jańa ekonomıkalyq órleý – Qazaqstannyń jańa múm­kin­dikteri” atty Qazaqstan halqyna Joldaýynda atap kórsetkenindeı, biz ózimizdi sporttyq derjava ekenimizdi kórsetýimiz kerek. Bul – Azıada-2011 qysqy oıyndarynyń strategııalyq mindeti, – dedi baıan­damasynyń sońynda S.Shoqpytov. – Sport búginde bizdiń ómirimizde eń mańyzdy oryn alsa, al sala­matty ómir salty jetistik­terimizdiń alǵysharty. Eger adam osy ekeýin  qatar ustansa, onda ol qoǵamdaǵy bedeldi ári kúshti ıntellektýal bolyp esepteledi. Prezıdenttiń Joldaýda: “Týrızm jáne sport mınıstrligi ákimdermen birge elde buqaralyq sportty damytý úshin birlesken is-shara­lardy anyqtap, olardy naqty iske aınaldyrýy tıis. 30 paıyzǵa deıingi qazaqstan­dyqtar buqaralyq sportqa tar­tylýy kerek”, dep ulttyń saýlyǵy jaıynda atap kór­setýi óte ózekti másele. Al meniń kózqarasymda bul, eń aldymen, jastarǵa qatysty. О́ıtkeni, qyz-jigitter bizdiń elimizdiń bolashaǵy. Qoǵamdyq tyńdaý barysynda “Nur Otan” HDP Almaty qalalyq fılıaly tóraǵasynyń birinshi orynbasary Amangeldi Karımýllın búgingi tańda qysqy Azııa oıyn­dary ótetin qalalardyń uıym­das­tyrýshylary túrli sport keshen­derin daıyndaý jumystaryn tolyq­taı júrgizip otyrǵanyn atap óte kele, “Nur Otan” HDP-nyń Al­mat­y qalalyq fılıaly men Al­maty qalasy boıynsha “2011 jyl­ǵy qysqy Azııa oıyndary dırek­sııasy” arasynda kelesi jyly ótetin Azııa oıyndaryn qoldaý men ótkizý týraly memorandýmǵa qol qoıdy. Sonymen qatar, basqosýda Almaty qalasynyń “Azıada-2011” sharasy jaıly qala turǵyndaryn aqparattandyrýda belsendilik tany­typ júrgen jýrnalısterdi alǵys hattarmen marapattady. Gúlzeınep SÁDIRQYZY.