Saýda jáne ıntegrasııa mınıstrliginiń vıse-mınıstri Janel Kýshýkova Aqtóbe qalasyndaǵy iri sýpermarketterde satylyp jatqan kartop pen sábizdiń sapasyna qatysty pikir bildirdi. Qańtar aıynyń sońynda qala turǵyndary áleýmettik jelide kókónisterdiń shirigen kúıde satylyp jatqanyn kórsetetin vıdeolar jarııalaǵan bolatyn. Saýda jelileriniń ókilderi sońǵy ýaqytta tutynýshylar tarapynan shaǵym kóbeıgenin rastady.
Vıse-mınıstrdiń aıtýynsha, atalǵan beınematerıaldardyń qashan túsirilgeni de mańyzdy.
«Men bul máseleni kórdim, biraq munda bári óte sýbektıvti. Materıaldyń qashan túsirilgenine qaraý kerek. Eger keshki ýaqytta bolsa, bárimiz túsinemiz, tańerteń adamdar kelip, jaqsysyn tańdap alady. Bul másele boıynsha jumys júrgizildi. Esimde, saýda jelileri taýardy sórege shyǵarǵan kezde belgili bir paıyzda jaramsyz ónim bolatynyn aıtqan. Árıne, jaqsysy alynyp ketedi, al keıin qalǵany túsirilip, jelige jarııalanǵan», dedi Jánel Kúshikova.
Onyń aıtýynsha, saýda oryndarynda sapasy tómen kókónisterdi satýǵa jol berilmeýi kerek.
«Mundaı ónimder ne tómendetilgen baǵamen satylady, ne tolyqtaı naryqtan túsiriledi», dep naqtylady vıse-mınıstr.
QQS ósimi áleýmettik mańyzy bar azyq-túlik baǵasyna áser etti me?
Vedomstvo ókiliniń sózinshe, áleýmettik azyq-túlik sapasyna qatysty baqylaý jumystary jalǵasyp, saýda jelilerimen túsindirý sharalary júrgizilip jatyr.
