Spıkerdiń aıtýynsha, Astananyń týrıstik klasterin damytý, onyń ishinde medısınalyq, mádenı, bilim berý jáne iskerlik týrızmdi, Shýchınsk-Býrabaı kýrorttyq aımaǵyn damytý boıynsha Jol kartasy, sondaı-aq Astana qalasynda densaýlyq saqtaý, joǵary bilim berý, mádenıet jáne sport nysandarynyń paıdalaný tıimdiligin jáne ózin-ózi óteýin arttyrý jóninde sharalar ázirleý jónindegi Elbasynyń tapsyrmalaryna sáıkes ázirlendi jáne olar boıynsha Qazaqstan Respýblıkasy Úkimetiniń sáıkes sheshimderi daıyndaldy.
Shýchınsk-Býrabaı kýrorttyq aımaǵyn damytýdyń 2017-2020 jyldarǵa arnalǵan jospary tórt bólim men 33 is-sharadan turady. Oǵan ınfraqurylymdyq jáne ekologııalyq máselelerdi sheshý boıynsha; kólik-logıstıka ınfraqurylymyn damytý boıynsha; qaýipsizdikti qamtamasyz etý boıynsha; ShBKA-nyń týrıstik áleýetin damytý boıynsha is-sharalar engizilgen. ShBKA-ny damytý josparynyń is-sharalaryn iske asyrýǵa 61,3 mlrd teńge kólemindegi qarjylandyrý josparlanǵan.
Astana týrıstik klasterin damytý máselesine qatysty A. Muhamedıuly 2017 jylǵy segiz aıdyń qorytyndysy boıynsha ınvestısııanyń eń úlken kólemi 19,2 mlrd teńge – Astanaǵa tıesili ekenin, bir jyl ishinde 25,9% óskenin atap ótti.
«Jyldyń basty týrıstik magnıti bolǵan EKSPO-2017 halyqaralyq kórmesi, onyń arqasynda I jartyjyldyqtyń qorytyndysy boıynsha qonaq úıler, otelder men meıramhanalar sany 16% kóbeıdi, qonaqtardy kútýge daıyn bólmeler 15% artty. Olar kórsetken qyzmet kólemi birden 23% ósti. Astana qonaq úıler, otelder, jáne basqa da ornalastyrý oryndary sanynyń ósýi boıynsha alǵashqy úshtikke kirdi», — dep basa aıtty mınıstr.
Ázirlengen jáne QR Úkimetine bekitýge engizilgen Astana qalasynda týrızmdi damytý jónindegi 2020 jylǵa deıingi jol kartasy 24 is-sharadan turady, olardyń ishinde ishki jáne shetel týrısterin tartý boıynsha; ınfraqurylymdy abattandyrý jáne týrıstik qyzmetter sapasyn joǵarylatý boıynsha; Astana qalasynyń joǵarǵy bilim, densaýlyq saqtaý, sport, mádenıet obektileriniń ózin ózi óteý men paıdalaný tıimdiligin arttyrý boıynsha; medısınalyq týrızmdi damytý boıynsha; bilim berý týrızmi salasyndaǵy is-sharalar bar.
«Atalǵan qaýlylardy qabyldaý «Astana – Eýrazııa» júregi, sondaı-aq «Tabıǵat jáne kóshpeli mádenıet tutastyǵy» klasterlerinde odan ári týrızmdi damytýǵa oń serpin beredi dep senemin», — dep túıindedi A. Muhamedıuly.
Otyrys barysynda sondaı-aq Aqmola oblysy ákimi M. Myrzalın men Astana qalasynyń ákimi Á. Isekeshevtiń esepteri tyńdaldy.
Talqylaý qorytyndysy boıynsha Baqytjan Saǵyntaev Aqmola oblysynyń jáne Astananyń ákimderine múddeli memlekettik organdarmen birlesip Jospar men Jol kartasynyń is-sharalaryn sapaly jáne ýaqytyly iske asyrýdy qamtamasyz etýdi tapsyrdy.
