«Kóktal» aýdanyndaǵy 6 kópqabatty úıdiń turǵyndaryn mazalaǵan jylý máselesiniń úzilip qala berýi, bıyl qaıtalanbaıdy. Tilendıev dańǵyly boıynsha ornalasqan «Aq Otaý», «JetiJol», «Ulytaý», «Aq Tilek», «Kóktal-2» turǵyn úı keshenderiniń qazandyqtary qalanyń balansyna aýystyryldy. Buryn qazandyq jekeniń qolynda bolǵandyqtan jylýdyń tarıftik baǵasy úsh ese qymbat bolatyn. Turǵyndar mundaı baǵany tóleýden bas tartqandyqtan, olar jylýdy ala almaıtyn.
«Búginde ákimniń tapsyrmasymen 6 turǵyn úı kesheniniń qazandyqtary «Astana-energııa» AQ keshenine tabys etildi. Biz tarıfti qaladaǵydaı 1 Gkal úshin 2896 teńge etip bekittik. Sol sebepti, 2017-2018 jyly jylytý maýsymy kezeńindegi másele alynyp tastaldy. Qazir barlyq prosedýralyq máseleler sheshilip jatyr, kelesi jyly atalǵan úıler ortalyq jylytýǵa qosylatyn bolady», - dedi energetıka basqarmasy basshysynyń orynbasary Erbol Tóleýov.
Qazirgi tańda energetıkterdiń málimetinshe, jylytý maýsymy shtattyq rejımde ótip jatyr. Bekitilgen rejım kartasyna sáıkes, temperatýralyq rejım kórsetkishin ustap tur.
