Ulttyq ekonomıka vıse-mınıstri Aıbatyr Jumaǵulov baıandama jasaǵan jıynǵa Májilistiń Ekonomıkalyq reforma jáne óńirlik damý komıtetiniń tóraǵasy Nurtaı Sabılıanov jetekshilik eti. Aıta keteıik, atalǵan zań jobasynyń tanystyrylymy «100 naqty qadam» Ult josparynyń 97-qadamyn iske asyrý úshin ázirlengen. Onda ózin-ózi retteýdi damytý men memleketke tán emes fýnksııalardy básekeles ortaǵa berý arqyly azamattardyń sheshimder qabyldaý prosesine qatysý múmkindikterin keńeıtýge baǵyttalǵany belgili. Al ózgerister men tolyqtyrýlar 7 zańnamalyq aktige, sonyń ishinde Qazaqstan Respýblıkasynyń 3 kodeksine jáne 4 zańǵa engiziledi dep josparlanǵan.
Naqtlaı tússek, zań jobasynda: ekologııalyq aýdıt salasynda ózin-ózi retteýdi engizýmen baılanysty Ekologııalyq kodeke; «Ákimshilik quqyq buzýshylyq týraly» Qazaqstan Respýblıkasynyń Kodeksine, sonyń ishinde ekologııalyq aýdıt týraly zańnamany buzý jónindegi bapqa ózgerister engizý; «Ákimshilik rásimder týraly» Qazaqstan Respýblıkasynyń Zańyna memlekettik organdardyń fýnksııalaryn básekeles ortaǵa berý boıynsha negizgi tásilderdi bekitý; memlekettik áleýmettik tapsyrys arqyly básekeles ortaǵa berilgen memlekettik organdar fýnksııalarynyń iske asyrylýy boıynsha normalardy, sondaı-aq úkimettik emes uıymdardyń quqyqtary men mindetterin bekitýge múmkindik beretin «Qazaqstan Respýblıkasyndaǵy memlekettik áleýmettik tapsyrys, úkimettik emes uıymdarǵa arnalǵan granttar jáne syılyq aqylar týraly» Qazaqstan Respýblıkasynyń Zańyna; memlekettik organdardyń fýnksııalaryn básekeles ortaǵa berý bóliginde kásipkerlik sýbektileriniń zańdy múddelerin bildirý jáne quqyqtaryn qorǵaý boıynsha qosymsha fýnksııalardy bekite otyryp, «Qazaqstan Respýblıkasynyń Ulttyq kásipkerler palatasy týraly» Qazaqstan Respýblıkasynyń Zańyna ózgerister men tolyqtyrýlar engizý qarastyrylady.
Zań jobasyn talqylaýǵa memlekettik organdardyń, saıası partııalardyń, úkimettik emes uıymdardyń ókilderi men sarapshylar qatysty.
Zań jobasy boıynsha túzetýlerdi odan ári qarastyrý jumysy Májilistiń Ekonomıkalyq reforma jáne óńirlik damý komıtetiniń múshesi Aızada Qurmanova jetekshilik etetin jumysshy topta óz jalǵasyn tabady.
