«QazTransOıl» mereıli dataǵa oraı «Kompanııanyń 20 jyldyǵyna – 20 ıgi is» sharalar josparyn bekitken eken. Onda kásiporyn qyzmetkerleriniń barlyq toby men olardyń balalary, jas mamandar, tájirıbeli kásibı qyzmetkerler men ardagerler, stýdentter men beıindi joǵary oqý oryndary qamtylǵan. Máselen, jaqynda mamandar «Úzdik maman-2017» konkýrsy ótip, top jarǵan úzdikter Omby qalasyndaǵy halyqaralyq dodaǵa qatysyp, túrli marapattarǵa ıe bolǵan. Sondaı-aq Q.Sátbaev atyndaǵy Qazaq ulttyq tehnıkalyq ýnıversıtetiniń 4-kýrs stýdentteri arasynda «QazTransOıl» AQ tájirıbesi negizinde magıstraldy munaı qubyrlary júıesin zertteý taqyrybynda baıqaý uıymdastyrylǵan. Nátıjesinde oqý ornynyń talantty da talapty stýdenti Dana Jurqabaeva «О́zen-Atyraý-Samara» munaı qubyrynyń modernızasııasy» aıasynda ótken ǵylymı jobasy úshin bas júlde – «QazTransOıl» AQ-qa jumysqa turý múmkindigine ıe boldy.
Qazan aıynyń ortasynda «QazTransOıl» kompanııasynyń tarıhynda tuńǵysh ret Qazaqstannyń ár túkpirindegi jas munaı qubyry mamandary Almatyda ótken jas mamandar keńesiniń forýmynda bas qosypty. On bes qurylymdyq bólimsheden jıylǵan 60 qatysýshy úsh kún boıy atqarǵan jumystaryna esep berip, tájirıbelerin ortaǵa salǵan. «QazTransOıl» AQ jas mamandar keńesiniń qurylǵanyna kóp ýaqyt bola qoıǵan joq. Degenmen osy kezeńde keńes kompanııa qurylymdaryndaǵy 34 jasqa deıingi mamandardyń basyn biriktirip, jumysqa kirisken býynnyń kásiporyndarda áleýmettik jáne kásibı daǵdyǵa úırenýine, biliktiligin arttyrýǵa, áleýmettik jáne turmystyq máselelerin sheshýge oń yqpal etip keledi. «Máselen, «Peterfeld» JО́DS pen Operatorlyq qyzmet kórsetý basqarmasynyń jas mamandary Janat Qazbekov pen Ǵalymjan Ábýov – kompanııanyń 20 jyldyq nyshany men uranynyń avtory.
Shymkent munaı qubyry basqarmasynyń MAS operatory Aleksandr Gavrılın – sport sheberi, semserlesýden respýblıkalyq jáne halyqaralyq saıystardyń júldegeri. Byltyr qańtarda HHVIII Dúnıejúzilik ýnıversıadanyń ashylý saltanatyna oraı Shymkentte alaý alyp júrýshilerdiń qatarynda boldy. Al Pavlodar munaı qubyry basqarmasynyń jetekshi ınjener-baǵdarlamashysy Narıman Qabdýalıev fılosofııa doktory ǵylymı (PhD) dárejesin ıemdengen. Sondaı-aq ol elektroenergetık, avtosporttan oblystyq jáne respýblıkalyq saıystardyń birneshe dúrkin jeńimpazy, avtokólik sporty boıynsha 1-sanatty kásibı tóreshi, Qazaqstan Respýblıkasy quramasynyń múshesi», deıdi keńes jetekshisi Ánýar Perýash.
Kásiporyn otandyq kompanııalar arasynda taýarlardy, jumystar men qyzmetterdi satyp alý kezinde jergilikti qamtýdy arttyrýǵa barynsha qoldaý bildirýde. Máseleniń ózektiligin eskere otyryp, magıstraldy munaı qubyry boıynsha ulttyq operator «QazTransOıl» memlekettik deńgeıdegi sharany qoldaýǵa joǵary jaýapkershilik tanytýda. Úkimet tarapynan jergilikti bıznesti damytýdaǵy tıimdilikti joǵarylatý aıasynda munaı-gaz salasyndaǵy iri tapsyrys berýshilerge naqty maqsattar qoıyldy. Kompanııa osy keshendi mejege qol jetkizýdiń aıqyn mysaly bola alady. Munaı qubyrynyń strategııalyq salasynda bul bastamalar tolyq qoldaý tapqany qýantady.
Elimizdiń keshendi damýy úshin jergilikti qamtýdy damytý jáne ulǵaıtý máselesiniń mańyzdylyǵyn eskergen kásiporyn satyp alý naýqanyn ótkizý kezinde otandyq taýar óndirýshilermen yntymaqtastyqqa basymdyq beredi, sol sekildi múgedekter uıymdaryna qoldaý kórsetip keledi. «QazTransOıl» arnaıy kıim óndirýshilermen, tehnologııalyq turǵydan jeńil ónim jetkizetin óndirýshilermen, soǵan qosa arnaıy tehnıka, jylytý peshteri jáne basqa da kúrdeli tehnıkalyq jabdyqtardy jetkizetin qazaqstandyq taýar óndirýshilermen yntymaqtastyq ornatýda.
Kompanııa qyzmetterdi kórsetýge jergilikti kásibı biliktiligi joǵary mamandardy tartýǵa tyrysady.
QTO bir jaǵynan otandyq óndirýshilerdiń taýarlarynyń sapasyna qoıylatyn talaptardyń úılesýin, ekinshi jaǵynan uzaq merzimdi kelisimsharttar jasaý arqasynda tek qana qazaqstandyq munaı tasymalyn qamtamasyz etip qana qoımaıdy, sol sekildi Qazaqstanda jańa óndiris oryndarynyń jolǵa qoıylýyna yqpal etýde.
Astanada ótken halyqaralyq mamandandyrylǵan EKSPO-2017 kórmesi iri óndiristik kompanııalar úshin ınnovasııalyq tehnologııalar alańyna aınaldy. Shetel memleketteriniń tehnologııalaryn Qazaqstannyń ekonomıkasyna arnaıy iriktep, engizý úshin Energetıka mınıstrligi negizinde sarapshylyq top jasaqtaldy. Onyń quramyna «QazTransOıl» AQ-tyń úsh ókili kirdi.
Jaqynda bul top jumys nátıjelerimen bólisti. Kórmede usynylǵan pavılondardy saralaı kele 105 joba tańdaldy, onyń úsheýi kásiporyn mamandaryn qyzyqtyrdy. Energııa resýrsyn únemdeýshi tehnologııa máseleleri kompanııa úshin ózekti. Olar kóp jyldan beri osy baǵyttaǵy tehnologııalar men quraldardy óndiriske engizip keledi. Máselen, jıilik rettemeli jetekterdi engizýdiń arqasynda qurylǵy ornalasqan nysandarda kompanııa jaryq kózin 30 paıyzǵa deıin únemdeıdi.
«Budan basqa munaı tasymalynyń shyǵynyn azaıtýǵa múmkindik beretin týrbýlenttilikke qarsy qospalardy qoldaný aıasynda aýqymdy jumys atqaryldy. Sarapshylyq toptyń músheleri retinde kompanııa EKSPO-2017-ge qatysýshy-memleketterdiń barlyq pavılondaryn aralap shyqty. О́ndiriste qoldanýǵa bolatyn jylytý men salqyndatýdyń iri gelıojúıeleriniń jetekshi álemdik jetkizýshisi, aýstrııalyq Solid kompanııasynyń tehnologııasy tańdaldy. Biz Solid ókilderimen tájirıbelik synaqtar júrgizýdi jáne keleshekte atalǵan tehnologııalardy keńselik, turǵyn jáne óndiristik ǵımarattarda qoldanýdy josparlap otyrmyz.
Sondaı-aq slovakııalyq EcoCapsule kompanııasynyń tehnologııalyq sheshimderin tańdap aldyq. Ol – jeldik generator men fotoelektrlik paneldermen jabdyqtalǵan mobıldi turǵyn modýlderiniń óndirýshisi. Modýlderdi qorshaǵan aýa temperatýrasy -50 gradýs pen +50 gradýs aralyǵynda paıdalanýǵa bolady. Olar munaı óndirý jáne magıstraldy munaı-gaz qubyry nysandaryn baqylaýdyń, monıtorıng jáne kúzettiń ýaqytsha nemese turaqty beketterin montajdaý qajet bolǵan kezde óte yńǵaıly», deıdi «QazTransOıl» AQ Paıdalaný departamenti dırektorynyń orynbasary Sergeı Kostın.
QTO aýstrııalyq 1stLevelSolar kompanııasynyń tehnologııalyq sheshimderin qoldaný týraly sheshim qabyldaǵan. Kompanııa mobıldi kún elektr stansalaryn shyǵarýmen aınalysady. Sundrops-ty jabdyqtardy qýattandyrýǵa jáne kommýnıkasııasy joq, qashyqta ornalasqan nysandardyń dala jumystaryn júrgizý kezinde paıdalanýǵa bolady. QTO kompanııa ókilderimen baılanysqa shyǵyp, bolashaqta resmı kezdesýler ótkizip, nysandarda synamalar jasaý jóninde sheshim qabyldady.
Kórmede ekspozısııa túrinde usynylmaǵan tehnologııalar da boldy. Mysaly, AQSh pavılonynda munaı býynyń rekýperasııa qurylǵysys n shyǵaratyn kompanııa ókilderi boldy. Kompanııanyń rezervýarlyq parki aýqymdy bolǵandyqtan qorshaǵan ortaǵa emıssııalardy tómendetýge baǵyttalǵan tehnologııalardy engizýge múddeli. «QazTransOıl» atalmysh kompanııa ókilderimen birlese qurylǵylardy tekserip baqylaý baǵytynda jumystar júrgizýge ázir. Iаǵnı EKSPO-2017 kórmesinde usynylǵan tehnologııalardan tańdalǵan 105 ádisten basqa «QazTransOıl» óndiriske saı keletin basqa da tehnologııalardy qarastyrýdy jalǵastyrýda
Ashat RAIQUL,
«Egemen Qazaqstan»
«Egemen Qazaqstan» men «Shevronnyń» birlesken jobasy
