KÁSIPKERLIKKE QOLDAÝ KEŃ

“Nur Otan” HDP, Bilim jáne ǵylym mı­nıstrligi, “Damý” qory, oblystar ákimdikteri arasynda yntymaq­tastyq týraly qol qoıylǵan me­mo­randým sharttaryna oraı tur­ǵyn­dardyń kásipkerlik bilim deńgeıin kóterýge barynsha jaǵ­daı týǵyzyldy. IS-ShARALAR JOSPARY MAQULDANDY “Nur Otan” halyqtyq-demokratııalyq partııasynyń Parlament Májilisindegi frak­sııasy tóralqasynyń otyrysy ótti, dep habarlady osy palatanyń baspasóz qyzmeti. Otyrysta “Nur Otan” HDP-nyń Parlament Májilisindegi fraksııasynyń el Prezıdentiniń 2010 jylǵy 29 qańtardaǵy “Jańa onjyldyq – jańa ekonomıkalyq órleý – Qazaqstannyń jańa múmkin­dikteri” atty Qazaqstan halqyna Joldaýynda júktelgen mindetterdi oryndaý boıynsha is-sharalar jospary maquldandy. Sondaı-aq tóralqa músheleri el Prezıdentiniń “Jańa onjyldyq – jańa ekonomıkalyq órleý – Qazaqstannyń jańa múmkindikteri” atty Qazaqstan halqyna Joldaýyn túsindirý boıynsha 2010 jyldyń 5-14 aqpany aralyǵynda respýblıka óńirlerinde atqaratyn jumystaryn da talqylady. BAQYLAÝ BEKETTERI ISKE KIRISTI “Nur Otan” HDP Aqtóbe oblys­tyq fılıalynyń partııa­lyq baqylaý komıssııasy oblys­tyń medısına mekemelerindegi partııa­lyq baqylaý beketteriniń tusaý­keserine arnalǵan májilis ótkizdi. Komıssııa tóraǵasy, ob­lys­tyq máslıhattyń depýtaty, Aqtóbe memlekettik pedagogıka­lyq ıns­tıtýtynyń rektory Ǵalymjan Nuryshev elimizde biryń­ǵaı ulttyq densaýlyq saqtaý júıesi engizilýine baıla­nysty medısına mekeme­lerin­de partııalyq baqylaý beket­teri qurylyp, jumysqa kiriskenin, bul baǵytta densaýlyq saqtaý salasy qyzmetkerlerimen birlese áreket etý qajettigin jetkizdi. Biryńǵaı ulttyq densaýlyq saqtaý júıesine daıyndyq bary­sy týraly oblystyq densaýlyq saqtaý basqarmasy bastyǵynyń orynbasary Jánibek Nar­muha­medov habarlama jasady. Onyń aıtýynsha, oblystyń medısına mekemeleriniń jańasha jumys isteýge ázirligi táýir kóri­ne­di. Aqtóbe qalasyndaǵy medı­sına mekemelerinde on partııa­lyq baqylaý beketi qurylyp jumysqa kirisip ketipti. Otyrysqa qatysýshylar par­tııa­lyq baqylaý beketterinde bolyp, olardyń jumys úderis­teri­men tanysty. Mundaı beketter aýdandarda da jumys isteýde. Satybaldy SÁÝIRBAI, Aqtóbe oblysy. OZAT TÁJIRIBE KО́PKE ORTAQ “Nur Otan” HDP Qostanaı qalalyq fılıaly iri bastaýysh partııa uıymdary jetekshileri jáne máslıhattar depýtattary­nyń–partııa fraksııasy múshe­leriniń qatysýymen semınar-trenıng ótkizdi. Partııanyń bastaýysh uıymdary jergilikti jerlerde tyndyrymdy jumys­tar júrgizip otyr. Ásirese, qandaı saılaý okrýgterindegi de áleýmet­tik máselelerdiń sheshi­min izdegen turǵyndar partııa­nyń bastaýysh uıymyn jıi izdeıdi. Bul basqosý­da partııa­nyń Qostanaı qalalyq fılıa­ly tóraǵasynyń birinshi oryn­basary B.Buhmetov “Nur Otan” HDP aýmaqtyq fılıal­dary­nyń, qazaqstandyqtardyń jal­py­halyqtyq qozǵalysyn uıym­dastyrýda bastaýysh partııa uıymdarynyń róli men orny týraly baıandap berdi. Oblys­tyq jáne qalalyq más­lı­hat­tar­daǵy “Nur Otan” HDP frak­sııa­synyń músheleri saı­laý ýchas­kelerindegi ózderi uıym­das­tyrǵan qoǵamdyq-saıası jumys­tary, bastaýysh uıym­dardyń jetekshileri jergi­likti jerler­degi atqarǵan isteri týraly baı tájirıbelerin ortaǵa saldy. Oblystyq máslıhattaǵy “Nur Otan” HDP fraksııa­sy­nyń jetekshisi, Qostanaı peda­gogıka kolledjiniń dırektory, pedagogıka ǵylymdarynyń dok­tory Rımma Bekturǵanova №5 Stýdenttik saılaý okrýgi mysa­lynda depýtattar men partııa­nyń bastaýysh uıym­darynyń baılanysy jóninde, “Qostanaı” gazetiniń redaktory, Qostanaı qalalyq máslı­­haty­nyń depýtaty Vladımır Baranov depýtattyń saılaý aldyndaǵy baǵdarlamasy­nyń oryndalýy úshin jergilikti jerlerde halyq qalaýlysy men partııanyń bastaýysh uıymy­nyń birlesip júrgizetin jumys­tary týraly, al Drýjba orta mektebi­niń dırektory, №19 saılaý okrýgindegi partııanyń bastaýysh uıymynyń jetekshisi Asyl Qalıev “Nur Otan” HDP bas­taýysh uıymynyń qalypta­sýy úshin qaladaǵy shaǵyn aýdandar­daǵy qurylymdyq, qoǵamdyq kúsh­terdi jumyldyrý jóninde qyzǵylyqty áńgimelep berdi. Olar­­dyń birlese júrgiz­gen jumys­tary qalanyń ekono­mıka­lyq-áleýmettik damýyna yqpal etedi. “Nur Otan” HDP Qostanaı qalalyq fılıaly semınar-trenıng qorytyndysy negizinde partııanyń fraksııasy múshe­leriniń–máslıhattar depýtat­tarynyń saılaý okrýgteri sheń­berinde qurylǵan bastaýysh par­tııa uıymdary jumysyn jetil­dirýi týraly ádistemelik qural jasap taratty. Ol ádiste­melik par­tııanyń árbir bastaýysh uıy­myn­daǵy aktıvter jumysyn teorııalyq jáne praktıkalyq jaǵynan jaqsarta túsýge jáne eń bastysy, qala­nyń áleýmettik-ekonomıkalyq damýyna bas­taýysh partııa uıym­dary qosar úlestiń qomaqty bolýyna kómekshi bolady. Názıra JÁRIMBETOVA, Qostanaı. KÁSIPKERLIKKE QOLDAÝ KEŃ Elimizde shaǵyn jáne orta bız­nesti jetildirýge, sapaly damýyna baǵyttalǵan memlekettik is-shara­lar aýqymy jyldan-jylǵa keńeıip kele jatqany málim. Sonyń ishinde ony qarjy­laı emes qoldaýǵa úlken mán berilip otyr. Bul rette “Sa­muryq-Qazyna” jáne “Damý” kásipkerlikti damytý qorlary birigip daıyndaǵan “Bıznes-keńes­shi” baǵdarlama­synyń ıgi yqpaly baıqala túsýde. Onyń basty maq­satyn barlyq aımaq­tar­daǵy kásip­kerler men osy umty­lysqa yntaly azamattar­ǵa bıznes qurýdyń jol­daryn úı­retý, muny tıimdi júrgizý boıyn­sha bilim tolyqtyrý, aq­parat­tyq keńesti molyqtyrý bolyp taby­lady. Soǵan baıla­nys­­ty qys­qa merzimdi oqytý­lar, bilikti ma­man­­dardyń arnaýly dáristeri, taqy­ryptyq kezdesý-áńgimeler qa­zir qalyń jurtshy­lyq­ty tartyp keledi. Oqý-ádis­temelik quraldar tegin taratyldy. Máselen, byl­tyr úsh aıǵa jalǵas­qan “Kásip­kerlik­tiń jedel kýrsy” atty sabaqtar res­pýb­­­lıka­myzdyń 209 aýdany men qalasynda ótkizildi. Atalǵan sharaǵa 11 myńnan astam adam qatysyp, bıznes-jospar úlgi­lerin jasaý­men, ­ká­­­­sip­­kerlikti retteýshi zańńamalar­men, salyq eseptiligin daıyndaýmen tanysty. Nazar aýdartatyn bir jaı, kýrs tyń­daýshylarynyń 60 paıyzyn áıelder qurady. Múm­kindikteri shekteýli jandar da bız­nestik saýattylyq­taryn jaqsarta aldy. Munyń aldynda “Nur Otan” HDP, Bilim jáne ǵylym mı­nıstrligi, “Damý” qory, oblystar ákimdikteri arasynda yntymaq­tastyq týraly qol qoıylǵan me­mo­randým sharttaryna oraı tur­ǵyn­dardyń kásipkerlik bilim deńgeıin kóterýge barynsha jaǵ­daı týǵyzyldy. О́mir kórsetip otyr­ǵan­­daı, mundaı oqytýlardyń kópshi­likke paıdasy úlken. Ol azamat­tar­dyń óz bıznesin ashýǵa qyzyǵý­shylyǵyn arttyrady, kásipker­liktegi kókeıkesti máse­le­lerdiń oń sheshimin tabýǵa kómek­tesedi. Qaraǵandyda ótken “Bıznes-keńesshi” baǵdarlamasy tájirıbe, qorytyndy jáne bolashaq damýy” birinshi respýblıkalyq semınar-keńesi osy baǵytta at­qarylǵan is-sharalardy taldap, alda turǵan mindetterdi talqy­laýǵa arnaldy. Jıyn­da oblys ákiminiń birinshi oryn­basary Rasýl Orazǵulov, “Damý” kásip­ker­likti damytý qory AQ basqar­ma tóraǵasynyń oryn­basary Lázzat Ibragımova, “Ha­lyq­aralyq Bıznes Akademııasy” JShS prezıdenti Asylbek Qojah­­metov, VISAM Sentral Azia bız­nes­tik aqparat, áleýmettik jáne mar­ke­tıng­tik zertteý ortalyǵynyń prezıdenti Leonıd Gýrevıch, joǵary oqý oryn­darynyń rektor­lary men ǵalym­dary shaǵyn jáne orta bız­nesti qoldaý máseleleri boıynsha jan-jaqty seriktestikti jandan­dyrý men tereńdetý, osynaý salaǵa kómek kór­setýdi kúsheıtýdiń jańa úlgi-ádisterin qoldaný, aýyldyq aımaqtar tur­ǵyn­­daryna konsal­tıngtik, talda­ma­lyq, ádistemelik qyzmet túr­lerin kórsetýdi ulǵaıtý jaılaryn ortaǵa saldy. “Bıznes-Keńesshi” baǵdarla­ma­synyń árbir aımaqta ótkizilý tájirıbesi baıan etildi. Sóz sóıleý­shilerdiń bári kásip­kerlikti qoldaý ortalyq­taryn qurý týraly usynys­tardyń oryndy ekenin atady. Olar basa aıtqandaı, kásip­­kerlik qozǵa­lys­taǵy sony serpin men bızneske qoǵamdyq sa­na­­daǵy túsiniktiń túbegeıli ózge­rip-jaqsarýy mem­leket tarapynan jasalyp otyr­ǵan kómek-qol­daýdyń nátıjeli kórinisi. Semınar-keńestiń jumysynda joǵary oqý oryndarynyń “Bız­nes-keńesshi” baǵdarlamasyn iske asyrýdaǵy tájirıbeleri talqy­lanady. Aıqyn NESIPBAI, Qaraǵandy. ÚKIMET TARAZ QALASYNYŃ BAS JOSPARYN BEKITTI El Úkimeti Jambyl oblysy­nyń ortalyǵy – Ta­raz qala­sy­nyń 2025 jylǵa deıingi bas jos­parynyń jobasyn maqul­dady. Ondaǵy basty jańalyq – oblys ortalyǵynyń burynǵy ákimshilik shekarasy ózgertildi. Bul qujatty Jambyl oblysy­nyń ákimi Qanat Bozymbaev Úkimet músheleri aldynda baıan etti. Qalany zaman talabyna saı kórkeıtý endi onyń ońtústik-batys bóligin keńeıtý esebinen júzege asyrylady. Ol úshin aýyl sharýashylyǵyna, sharýa qoja­lyqtaryna jáne memlekettik qorǵa tıesili jerler qala aýma­ǵyna beriledi. Sóıtip, oblys orta­lyǵyna barlyǵy 5954 gektar jer jaqyn aýdandar esebinen engizi­ledi. Sharýa qojalyq­tarynyń jerin satyp alý úshin arnaıy qarjy qarastyrylǵan. Bas jospardaǵy ınfraqury­lym­dardy damytý Talas ózeninen ótetin eki avtomobıl jáne temir joldyń ústimen ótetin úsh aspaly kópir, sondaı-aq jaıaý júrgin­shilerdiń úsh jer asty jolyn, tórt avtokólik jol aıryqtaryn salý arqyly júzege asyrylmaq. “Asta­na”, “Báıterek” jáne “Barys­han” jańa shaǵyn aýdan­daryndaǵy elektr qýatymen jabdyqtaý máse­lesi qosymsha eki elektr stansa­syn, gaz jelilerin, “Jylý elektr ortalyǵy” AQ qazan­dyǵynan jylý júıelerin tartý arqyly sheshiletin bolady. Qala sharýa­shy­lyǵyn damytý jáne joǵaryda tilge tıek etilgen sharalardy júzege asyrý úshin 9,5 mlrd. teńge qarjy bólinbekshi. Bas josparda, sondaı-aq, qosym­sha densaýlyq saqtaý jáne bilim berý nysan­daryn salý da qaras­tyrylǵan. Joba buǵan deıin oblys orta­lyǵyndaǵy halyq­tyń jáne ondaǵy qoǵamdyq uıymdar ókil­deriniń basqosýlarynda qara­lyp, talqy­lanǵan. Sondaı-aq, oblys ákim­digi­n­iń “Taraz qalasy­nyń bas jospary týraly” qaýly­sy qabyl­danyp, oblys máslı­haty sessııa­synda kelisil­gen. Qala shekara­­syn ákimshilik ózgertý máse­lelerin sheshýge qatys­ty qujattar men materıal­dar tizimi barlyq ortalyq atqarýshy organ­darmen kelisilip, memlekettik sarap­taýdan ótken. Bas jospar qalanyń zaman talaptaryna saı gúldenip, kór­keıýine, eskirgen ınfraqury­lym­dardyń jańaryp, jaqsarýy­na úles qosyp, óńir ómirine jańa maz­mun men serpin beredi dep senemiz. Kósemáli SÁTTIBAIULY, Taraz.