«Ross 128 b» dep atalatyn jańa ǵalamshardyń ǵalymdardy qyzyqtyrýynyń sebebi kóp. Birinshiden, onyń kólemi jermen birdeı. Ekinshiden, «Ross 128 b» kún júıesinen 11 jaryq jylyna teń qashyqta ornalasqan. Iаǵnı, jańa ekzoplaneta tym alysta emes. Úshinshiden, ǵalamshar ómir súrýge qolaıly beldeýde ornalasqan.
Zertteýshilerdiń aıtýynsha, ekzoplanetanyń temperatýrasy jerge óte uqsas bolýy yqtımal. Sondyqtan, onda tirshilikke yńǵaıly jaǵdaı jasalǵan. Jańa ǵalamshar óz orbıtasyn 10 táýlikke jýyq merzimde aınalyp shyǵady. Ony jylýmen qamtamasyz etip turǵan «Ross 128» qyzyl ergejeıli juldyzyna jatady.
Áıtse de, «Ross 128 b» jerge eń jaqyn ekzoplaneta emes. Sentavr Proksımasyn aınalyp júrgen «Proksıma b» ǵalamshary jerden 4,2 jaryq jylyna teń qashyqta jatyr. Alaıda astronomdar juldyzdardyń bir-birinen qashyqtap bara jatqandyqtan, 79 000 jyldan keıin «Ross 128 b» kún júıesine eń jaqyn ǵalamsharǵa aınalatynyn aıtyp otyr.
Jańa planeta týraly egjeı-tegjeıli aqparat Astronomy & Astrophysics jýrnalyna jarııalandy. Ony HARPS dep atalatyn jańa tehnologııa arqyly anyqtaǵan. Bul jumyspen aınalysýǵa álemniń birqatar ozyq ýnıversıtetteriniń ǵalymdary men professorlary at salysty.
