Jeńis monýmenti - Uly otan soǵysy jeńisine arnalǵan monýment-obelısk, Mınsk qalasy sımvoldarynyń biri. Eskertkish 1954 jyly Jeńis alańyna ornatylyp, Belarýs jeriniń nemis okkýpasııasynan bosap shyǵýyna 10 jyl tolýyna oraı ashylǵan. 7 jyldan keıin eskertkish aldyna máńgilik alaý jaǵylǵan. Jyl saıyn 9 mamyrda jáne Belarýs memleketiniń táýelsizdik kúninde eskertkishke gúl shoqtary qoıylyp, túrli sharalar ótkizý dástúrge aınalǵan. Sonymen qatar memlekettik jáne resmı saparmen Belarýs Respýblıkasyna barǵan laýazymdy tulǵalardyń da Jeńis monýmentine gúl shoqtaryn qoıýy mindetti sharalardyń birine aınalǵan.
Esterińizge sala ketsek, keshe Elbasy Nursultan Nazarbaev resmı saparmen Belarýs Respýblıkasynyń astanasy Mınsk qalasyna bardy. Sapar aıasynda Memleket basshysy Belarýs prezıdenti Aleksandr Lýkashenkomen kezdesip, keńeıtilgen quramda kelissóz júrgizdi. Kelissózderden keıin Nursultan Nazarbaev Aleksandr Lýkashenkomen buqaralyq aqparat quraldary ókilderine brıfıng ótkizdi. Elbasynyń Belarýs memleketine resmı sapary aıasynda Mınsk qalasynda Qazaqstan-Belarýs bıznes-forýmy ótip, aranıy kórme uıymdastyryldy. Sonymen qatar Elbasy búgin Qyrǵyzstan prezıdenti Sooronbaı Jeeenbekovpen kezdesip, shekaradaǵy jaǵdaıdy talqylady. Búgin Nursultan Nazarbaev Ujymdyq qaýipsizdik týraly shart uıymy Ujymdyq qaýipsizdik keńesiniń mereıtoılyq sessııasyna qatysady dep kútilýde.
Gúlnur Qýanyshbekqyzy,
"Egemen Qazaqstan"
Mınsk
