Bul sharanyń maqsaty agroónerkásiptik naryqta jumys isteıtin polıak kásipkerleriniń sheteldik seriktestermen tájirıbe almasýyna jaǵdaı jasaý, saýda jáne ınvestısııalyq yntymaqtastyqtyń artyqshylyqtary men múmkindikterin kórsetý boldy.
Kórmege Ýkraına, Qazaqstan, Ázirbaıjan, Qytaı, Túrkııa, Brazılııa, Argentına, Kenııa, Aljır, Birikken Arab Ámirlikteri jáne Eýropa, Azııa jáne Afrıka sııaqty 20-dan astam eldiń kásipkerleri qatysty.
Halyqaralyq kórmede «Azyq-túlik kelisim shart korporasııasy» UK AQ «AО́K-niń eksporttyq ortalyǵynyń» tusaýkeserin ótkizdi. Aıta ketý kerek, atalǵan eksporttyq ortalyqty Qazaqstan Respýblıkasynyń Aýyl sharýashylyǵy mınıstrligi Memleket basshysynyń aýylsharýashylyǵy ónimderiniń eksportyn ulǵaıtý jóninde berilgen tapsyrmasyna sáıkes qurǵan bolatyn.
Tusaýkeser Qazaqstannyń eksporttyq múmkindikteri men áleýetin kórsetetin Qazaqstannyń aýylsharýashylyǵy ónimderin Eýropanyń syrtqy naryqtaryna jáne Polsha naryǵyna shyǵarý maqsatynda usynylǵan qazaqstan-polıak bıznes-forýmy aıasynda ótti.
Kórmede «AО́K-niń eksporttyq ortalyǵy» zyǵyr tuqymdary, qysha, raps, kúnbaǵys, qatty jáne jumsaq bıdaı, soıa, jasymyq, arpa sııaqty ósimdikterdiń úlgilerin usyndy. Zyǵyr men qysha maıy Polsha kásipkerleriniń erekshe qyzyǵýshylyǵyn týdyrdy.
Tusaýkeser qorytyndysy boıynsha 2018 jyldyń aıaǵyna deıin «AО́K eksporttaý ortalyǵy» men «Polsha-Qazaqstan aýyl sharýashylyǵy klasteri» arasynda 10 myń tonna zyǵyr tuqymyn jáne 2 myń tonna qysha tuqymyn jetkizý týraly kelisimge qol qoıyldy.
Bul kelisim Qazaqstan men Polshanyń aýyl sharýashylyǵy salasyndaǵy jemisti yntymaqtastyǵyna sózsiz oń áserin tıgizedi jáne elimizdiń eksporttyq áleýetin arttyrady.
