Foto: t.me/consot_kz
Komıssııanyń segizinshi otyrysy barysynda Konstıtýsııalyq komıssııanyń tóraǵasy Elvıra Ázimova aldyńǵy otyrystarda túsken barlyq usynystardy jınaqtap, olardy biryńǵaı tizimge engizýdi jáne olardyń jobaǵa qalaı eskerilgenin nemese áli de qaralý ústinde ekenin kórsetýdi usyndy.
Juldyz Súleımenova: Jańa Konstıtýsııada tabıǵatty qorǵaý qaǵıdattary aıqyndaldy
Buǵan deıin, komıssııanyń jetinshi otyrysynda Májilis depýtaty Elnur Beısenbaev jańa Konstıtýsııa jobasynda «máńgilik bılikke» jol berilmeıtinin málimdegen edi.
Qazaqstannyń jańa Konstıtýsııasy jobasynda eldiń aýmaqtyq tutastyǵynyń myzǵymastyǵy kórinis tapqan. Bul týraly ótken otyrysta memlekettik keńesshi Erlan Karın málimdedi.
Otyrys barysynda Adam quqyqtary jónindegi ýákil Artýr Lastaev Konstıtýsııa jobasynda qalyńdyq urlaý men nekege májbúrleý sııaqty eski qubylystardy túbegeıli joıýǵa múmkindik beretin norma bekitilgenin aıtty. Sondaı-aq Lastaev jańa Konstıtýsııa jobasynda soǵysty nasıhattaýǵa tyıym salýmen qatar, qarýly qaqtyǵystardy nasıhattaýǵa da qosymsha tyıym engizilgenin habarlady.
Eske sala keteıik, 31 qańtarda jańa Konstıtýsııanyń jobasy jarııalanǵan bolatyn. Buǵan deıin Konstıtýsııalyq sot tóraǵasynyń orynbasary Baqyt Nurmuhanov jańa Konstıtýsııa jobasyndaǵy sot tóreligi júıesine, jergilikti basqarýǵa jáne Negizgi zańǵa ózgerister engizý tártibine qatysty mańyzdy ózgerister týraly baıandady.
Jańa Konstıtýsııa jobasy Preambýladan, 11 bólimnen jáne 95 baptan turady.
Konstıtýsııalyq sottyń saıtyndaǵy jarııalanymda aıtylǵandaı, Konstıtýsııanyń jańa Preambýlasynda adam quqyqtary men bostandyqtary alǵash ret memlekettiń negizgi basymdyǵy retinde jarııalanǵan. Birlik pen yntymaq, ultaralyq jáne konfessııaaralyq kelisim Qazaqstan memlekettiliginiń irgetasy retinde aıqyndalǵan.
Erkin Ábil: Tarıhı sabaqtastyqty Konstıtýsııada bekitý – ult jadyn qorǵaý
Sonymen qatar memlekettik bıliktiń birden-bir qaınar kózi jáne egemendiktiń ıesi – Qazaqstan halqy ekeni bekitilgen.
